семантикалық, эмотивтік, бағалауыштық, компоненттік деңгейде
түрлі өзгерістерге ұшырайды.
Окказионал фразеологизмдер – тыңдаушыға ерекше эмотивті əсер
ететін тілдік бірліктер. Окказионалды фразеологизм өзінің тілдік про-
тотиптерімен деривациялық байланысқа түсетін фразеологиялық тұлға-
ның трансформациялануының түрлі тəсілдері арқылы жасалады.
Сөйлеу жүйесінде белсенді қызмет атқаратын фразеологиялық
тұлғалардың окказионалды пайда болу жолдары əрдайым ғалымдардың
назарынан тыс қалмаған. Орыс тіл білімінде окказионал фразеологизм-
дер туралы ғалымдардың еңбектерінде (М.М. Копыленко, З.Д. Попова,
А.В. Кунин, А.М. Мелерович, В.М. Мокиенко, В.Н. Телия, Н.Ф. Алефи-
ренко, А.В. Жуков, жəне т.б.) деривацияның түрлі тəсілдері мен амалда-
ры айқын сипатталған.
