| Ұрықтану процесі төрт сатыдан өтеді: 1. жыныс жасушаларының
жақындасуы; 2. сперматозоидтың овоцит мөлдір қабығына енуі; 3.
Сперматозоид басы мен мойнының овоцит цитоплазмасына кіруі; 4. жыныс
жасушалары ядроларының қосылуы. Жыныс жасушаларының жақындасуы
кезінде сперматозоидтар бастарындағы акросомалар ферменттері (протеаза,
трипсин, гиалуронидаза) овоциттің сəулелі тəжін, яғни сыртқы фоликулалы
қабығын ерітеді. Сперматозоидтың овоцит мөлдір қабығына жанасу кезінде,
жұмыртқа жасушасында ұрықтану төмпешігі пайда болып, оның мөлдір
қабығы арқылы сперматозоидтың басы, мойны жəне кұйрығының
бастапқы белігі овоцит цитоплазмасына енеді. Сперматозоидтың овоцит
цитоплазмасына енуі, жұмыртқа жасушасының зат алмасу процесін
күшейтіп, оның екінші мейоздық бөлінуіне, тезірек пісіп жетілуіне əсерін
тигізеді.
Достарыңызбен бөлісу: | 
