10.13. Берілгендерді фильтрлеу
Кестенің белгілі шартты (шарттарды) қанағаттандыратын жазуларын іздеп, оларды экранға шығару әдісі мәліметтерді фильтрлеу (електен өткізу,сүзгілеу) делінеді.
2-Мысал. 10.18-суретте берілген кестені «Қатысушылар» өріс элементтерінің саны 1) =60, 2) >=60 болатын жазуларын іздеп, экранға шығару керек.
Берілгендерді филтрлеудің екі түрі бар:
Автофильтр;
Кеңейтілген фильтр.
Автофильтр. Автофильтрлеу үшін кестені экранға шығарып, Берілген-Фильтр-Автофильтр командасын беру керек. Баған (өріс) атауларының оң жағына сүзгілеу критерийлері (шарттары) енгізілген тілсызық түймелерін (тізім символы) орналастырылып қойылады. Тізімнен қажеттісі шертілуі тиіс. «Қатысқандар» атауы ұяшығына ендірілген тілсызықты шерту кезінде көрінген критерий тізімі 10.20-суретте көрсетулі.
10.20-сурет. Критерий
Тізімнен 60 енгізілген жол таңдалған кезде экранға 4 Футбол 60 жазуы шығады.
Егер Шарт...(Условие...) жолы таңдалса, «пайдаланушы автофильтрі» сұхбаттық терезесі көрінеді (10.21-сурет). Оның сол жақ жоғары өрісіне енгізілген тізімнен «Үлкен не тең» (больше или равно) қатарын, оң жақ жоғары өрісіне енгізілген тізімнен «60» саны енгізілген қатарды таңдап, ОК түймесін шерту жеткілікті.
10.21-сурет. Пайдаланушы автофильтрі терезесі
Экранда > = 60 шартын қанағаттандыратын жазулардан тұратын кесте көрінеді (10.22-сурет). (Берілгендер қоры теориясында мұндай кестені Сұраныс деп атайды.)
Ескерту.Берілген кестеге оралу үшін Критерий (белгі, шарт) тізімін ашып, Бәрі (Все) қатарын шерту не Берілгендер-Фильтр-Бәрін көрсету командасын беру керек.
Достарыңызбен бөлісу: |
