Негізгі білім бағдарламасы мазмұнының міндетті минимумы
Музыка өнерінің негіздері
Музыка туралы түсінік. Музыка өнерінің бейнелілік табиғаты. Музыканы сезім-күйдің, адам мінез-құлқының, оның табиғатқа, өмірге қарым - қатынасының көрінуі.
Халықтық және кәсіби музыка. Композитор – орындаушы – тыңдарман. Қазақстан халық музыкасы, музыка фольклоры, туған өлкенің халықтық-музыкалық дәстүрі. Кәсіби композиторлардың туындылары.
Музыкадағы даму мен интонация. Музыкалық мәнерліліктің негізгі құралдары (әуез, ырғақ, екпін, бояу, динамика, саз-лад т.б.).
Музыканың түрлері: вокалді, аспаптық, жеке әншілік, хорлық, оркестрлік. Музыкалық жанрлар (ән, би, марш, күй және олардың түрлері; опера, балет, симфониялық музыканың ілгілері, мюзикл т.б) және формалары (1-2-3 бөлімдік, вариация, рондо).
Нота элементтерін сауатты меңгеру.
Әншілік дауыстар: баланың, әйел адамның, ер адамның. Хорлар: балалар, әйелдер, ерлер, аралас. Музыкалық аспаптар. Оркестрлер: халықтық аспаптық, фольклорлық ансамбль, үрлемелі, симфониялық, балалар және шулы - соқпалы аспаптық т.б.
Ел өміріндегі музыка өнері
Мемлекеттік әнұран. Туған өлкенің әншілік, күйшілік, жыршылық дәстүрлері. Музыкалық өмірдің маңызды сәттері: конкурстар, фестивальдар, сайыстар, айтыстар, радио, теледидар музыкасы.
Музыкалық – шығармашылық әрекеттің тәжірибесі
Әртүрлі музыкалық әрекеттерде практикалық бейімдіктер мен дағдыларды игеру және музыкалық қабылдауды дамыту.
Музыка тыңдау. Музыкалық мәнерлеу құралдар арқылы әр алуан мінез, мазмұндағы музыкамен жеке әсерленгіш эмоционалды – бейнелік қатынас; музыканың түрі, жанрлар, формаларының әр түрлілігі, музыканың дыбыс ырғағының табиғаты жайында түсіну.
Отандық және шетелдік музыка классиктерін білу. Қазіргі балалар композоторларының шығармалары.
Ән салу. Нотаға сүйене отырып бір дауыста, екі дауыста, сүйемелдеумен, сүйемелдеусіз жеке және хормен ән салу.
Аспапта ойнау. Музыкалық туындыларды аспапта жеке өзі немесе ұжымдық (А.Райымбергеновтің жүйесі) түрде ойнап, шығармашылық әрекетке дағдылану.
Достарыңызбен бөлісу: |
