Қуырылған балық. Балықты негізгі тәсілмен қуыру шкафында,
шыжғырылған майда және ашық отта қуырады.
Негізгі тәсілмен қуыру үшін балықты бүтіндей, басымен және
бассыз, орташа көлемді көбінесе дөңгелекшелер, ірі – терісі және
қабырға сүйегімен жон етке бөлінген немесе терісімен жон етті
пайдаланады.
Порциялық кесектерді 30° бұрышта құйрық жағынан бастап
кеседі, тұз, бұрыш себеді және ұнда аунатады. Бекіре тұқымдас
балықтардың порциялық кесектерін ыстық сумен жидітеді, қуырған
кезде аунатпа түсіп қалмау үшін ұйыған ақуыздарды пышақпен
тазалайды.
Шыжыған майда қуыру үшін ұсақ балықты бүтіндей, терісі бар
жон ет және таза жон етті пайдаланады. Таза жон еттен мынадай
жартылай дайын өнімдер жасайды: фри балық, «бантиктеп»,
«сегіздік», қамырдағы балық, дон зраздары.
