"АБЫЛАЙ ХАН" - тарихи жыр. Жыр Қытайдың Шыңжаң аймағында тұратын қазақтардың
арасында кең таралған. Авторы белгісіз. Жыр Абылайдың балалық шағынан басталып, ер жету,
қол бастау, ел билеу жолын көркем баяндап, соңын Абылайдың өлімімен аяқтайды. Жырда сөз
болатын оқиғалар мен адамдар нақтылы өмірде болған. Жыр Шыңжаң тұрғыны Шерияздан
Сұлтанбайұлынан жазып алынып, тұңғыш рет Қытайдың "Ұлттар" баспасынан жарық көрген 4
томдықта (1985). одан кейін "Абылай хан" атты кітапта (А., 1993). "Қазақ халық әдебиеті"
көптомдығының 1-ші томында (1995) жарияланды.
