ӘЛІМЖАН Қатбайұлы (1935. ҚХР Текес ауд. Қамыстыбұлақ мекені- 23.11.1988. Үрімжі қ.) -
ақын, аудармашы. Шыңжаң ин-тын бітірген (1954). 1954 - 1967 ж. "Шыңжаң оқу-ағарту"
журналында редактор, тілші, осы журналды алғашқы шығарушылардың бірі болған. 1962 - 1974
ж. Шыңжаң халық баспасында редактор, 1974 жылдан өмірінің соңына дейін Шыңжаң оқу-ағарту
баспасында қызмет етті. 600-ге жуық өлеңі, 10-ға жуық дастаны. 20-дан аса әр тақырыптарға
арналған мақала-очерктері бар. Қытайдың әйгілі ақын-жазушыларының шығармаларын қазақ
тіліне аударған. Қазақ мектептері үшін тіл-әдебиет оқулықтарын құрастыру, аудару-редакциялау
жұмыстарын атқарды. Қытайдағы қазақ баспасөзінің қалыптасуы мен дамуына үлес қосқан.
