ӘЛІМБЕТОВСапарғали" (1888. Шығ. Қазақстан обл. Жарма ауд. бұрынғы Шамақ а. - 10.10.1956.
Семей қ.) - айтыс ақыны. Ескіше сауат ашқан. 1941 ж. халық ақындары Төлеу Көбдіков, Нұрлыбек
Баймұратовпен бірге Семей обл-ның шалғайдағы аудандарында үгіт бригадасын ұйымдастырып,
өлең жырларымен халыққа жігер береді. Түрлі айтыстарға қатысып, Есен-сары Құнанбаевпен,
Маясар Жапақовпен, Қалқа Жапсарбаевпен, Қуат Терібаевпен, Мағжан Орынбаевпен айтысқан.
Ә-тің ақындық, айтыскерлік жолға түсуіне І.Жансүгіров ықпал еткен. Оның толғаулары обл., респ.
газеттерде жарияланған. "Мейір батыр", "Молдабай палуан", "Қамбадағы айқас", "Қос жалшының
өлімі", "Ақтардың әрекеті", "Қойгелді батыр" тарихи дастандарының авторы. "Қызыл жұлдыз"
орденімен, "Құрмет" грамотасымен, көптеген медальдармен марапатталған.
