"АМАНАТ" - журнал. 2000 жылдан екі айда бір рет, 4 мың данамен шығып келеді. Журналда
қазіргі заманғы әлем әдебиетінің үздік үлгілері, отандық ақын-жазушыларының шығармалары
орыс тілінде жарияланып тұрады. Шығарушысы - "Абай клубы" Құрылтайшысы - жазушы
Р.Сәрсенбаев. "Аманат" журналында жарияланған шығармалар "Аманат журналы кітапханасы"
сериясымен жеке кітап болып жарық көруде.
АМАНГЕЛДИН Көлзақ(1886. Қарағанды обл., Нұра ауд., бұрынғы "Париж коммунасы"
ұжымшары -1955. сонда) - ақын, ауыз әдебиеті үлгілерін жинаушы. Өлеңдері ауыл өмірінің,
Қарағанды жұмысшыларының тіршілік тынысын жырлауға құрылған. Халық мұрасын, әсіресе,
Қарағанды жұмысшьшарының өлең-жырларын жинап, тапсыруда елеулі еңбек сіңірді. "Қамбар
батыр", "Қобыланды батыр", "Ер Тарғын" жырларының жаңа нұсқалары да осы ақыннан жазылып
алынған.
