ЕСТІРТУ - қазаға ұшыраған адамның қайғылы хабарын оның жақын туыстарына жеткізу
рәсімі. Ауыр қаза, қайғылы оқиғаны жанашырларына, ел-жұртына өлеңмен Е. қазақ халқында
ежелден бар дәстүр. Ардақты азаматы не батыр-бағланы қайтыс болған үйдің жанкүйер
жақын, туыстарын азалы хабарға дайындап, әзірлеп алу үшін Е., көбінесе "Аққу ұшып көлге
кетті, сұңқар ұшып шөлге кетті, ол адасып кеткен жоқ, әркім барар жерге кетті" деген сияқты
салыстырулар түрінде болған. Байшуақ өлгенде баласы Байғараға Ізбасты шешеннің, Бөгенбай
батырдың өлімін Үмбетей жыраудың естіртулері тарихтан белгілі. Е. кейде күңіренген күй
сазымен де орындалатын болған. Е-дің соңы көңіл айтып, қайғылы хабарға ортақтасып,
жұбатуға ауысады.
