"АНА ТІЛІ" - баспа. 1990 ж, 5 маусымда құрылған. Негізінен, жоғары және арнаулы оқу орындары
үшін оқулықтар мен көмекші оқу құралдарын, қазақ және басқа ұлт тілдерінде танымдық
әдебиеттер, сөздіктер мен тілашарлар, анықтамалықтар, көркем әдебиет туындыларын жарыққа
шығарып келеді.
"АНА ТІЛІ" - апталық газет. А-ғашқы нөмірі 1990 ж. 22 наурызда жарық көрген. Көлемі 16 бет,
қалыбы АЗ. Мұнайшыларға арналған "Алтын дария" атты қосымшасы бар (1998).
АНАФОРА (грек. anaphora - биікке шығару)әдепкі қайталау -өлеңдегі әр жол немесе әр
тармақтың бір сөзбен басталып, қайталанып келуі. А. өлеңнің әуезділігін күшейтетін стильдік тәсіл.
Қазақ поэзиясында А-ның мынадай түрлерін кездестіреміз: 1. Әуендік А.: Мыс., Балдырғаны
біліктей, Балаусасы жібектей... (I. Жансүгіров). Синтаксистік-ырғақтық А. Мыс., Қанатын бер
қыран құстың, Ашуын бер арыстанның, Жүрегін бер жолбарыстың... (Қ. Аманжолов).
Лексикалық А., Кім көрді көктің жерге құлағанын, Кім көрді күннің жарық сұрағанын... (И.
Байзақов). Әуендік-лексикалық А., Қайтсін ол, жыламасқа жанға батты, Күйінді ол, күңіреніп
Қүлагерге, Айрылды ол аттан жақсы, достан тәтгі. (I. Жансүгіров).
