| 6)Әр түрлі дақылдарға тыңайтқыштардың тиімділігі.
Натрий селитрасын барлық ауыл шаруашылығы дақылдарына қолдануға болады. Натрий селитрасы құрамында натрий болғандықтан қант қызылшасы, малазықтық және асханалық тамыр жемістілер сияқты дақылдардың өніміне және сапасына оң әсер береді. Өйткені натрий көмірсулардың жапырақтардан тамырға жылжуына себепкер болады. Суармалы аймақтарда күріш, мақта сияқты дақылдарға қолданатын селитралар тиімділігі аммиакты тыңайтқыштарға қарағанда төмен болады.
7)Тиімді қолдану тәсілдері: дозалары, мерзімдері, ауыспалы егісте енгізу әдістері, қолдану технологиясы, әртүрлі тәсілдерді пайдадануда тыңайтқыштардың салыстырмалы тиімділігі.
Натрий селитрасын кез келген тәсілмен: негізгі тыңайту, қатарлап, үстеп қоректендіру ретінде қолдануға болады.
Нитратты азоттың жылжымалылығы жоғары болғандықтан селитраларды көктемде тұқымды себер алдында және өсімдіктің вегетациялық кезеңінде үстеп қоректендіру үшін қолдану тиімді. Күзде енгізгенде топырақтың астыңғы қабатына шайылу қауіпі бар.
Достарыңызбен бөлісу: |
