НұРСҰлтан назарбаев тәуелсіздік дәуірі әож 23 (574) кбж 66. (5Қаз) н 19 н 19
Жаңа экономикалық ахуалға лайық әлеуметтік саясат
жүктеу/скачать 3,95 Mb. Pdf көрінісі
|
| Жаңа экономикалық ахуалға лайық әлеуметтік саясат
2014 жылғы қаңтардағы Жолдауымда мен болашаққа үлкен сеніммен қарадым: 2050 стратегиясы айқын шамшырақ секілді басты мақсатымыздан көз жазбай, азаматтарымыздың күнделікті тіршілігінің мәселелерін шешуге мүмкіндік береді. Бұл – біздің 30-50 жылда емес, жыл сайын халық тұрмы- сын жақсартатынымызды білдіреді. Менің ойымша, нақ осы әлеуметтік көңіл күй Қазақстанның басты стратегиялық мақсатының – әлемнің дамыған отыз елінің қатарына қосылуының маңызды көрсеткіші болуы тиіс. 2015 жылы қарашада мен көп жылдар бойы экономикалық өсім бел- сенді әлеуметтік саясатты жүргізуге елеулі ықпалын тигізгенін еске салдым. Қазақстандықтардың әл-ауқаты тіпті дағдарыстар кезінің өзінде өсумен болды. Он жылдың ішінде әлеуметтік салаға бөлінетін шығындар 3 есеге өскен. Жәрдемақылар мен төлемдерді 1,5 миллион азамат тұрақты түрде алып тұрды. Әлеуметтік саясатқа 2014-2015 жылдардағы әлемдік дағдарыс жағдай- ында ерекше көңіл бөлінді. 404 ТӘУЕЛСІЗДІК ДӘУІРІ Жаһандық тұрақсыздық жағдайында әлеуметтік саясатты ойлауға мұрша да болмайтын сияқты. Алайда менің ұстанымым бұған қарама-қарсы еді. 2015 жылғы қарашадағы Жолдауымда біз ештеңеге қарамастан, тұрғындар- ды әлеуметтік қолдау шараларын жүзеге асыруды жалғастыра беретінімізді атап өттім. Сондай-ақ 2016 жылдың қаңтарынан бастап денсаулық сақтау, білім беру және «Б» корпусындағы қызметкерлердің айлығы 30 процентке дейін, ал әлеуметтік қызметшілердікі 40 процентке дейін өсірілетінін ха- барладым. Мүгедектер мен асыраушысынан айырылғандардың әлеуметтік жәрдемақылары, сондай-ақ студенттердің стипендиялары 25 процентке өсірілетін болды. Мемлекет ең қиын жағдайдың өзінде халық алдындағы әлеуметтік міндеттемелерін орындауды жалғастыра берді. Жаңа экономикалық ахуал жағдайында Үкімет алдында жаңа әлеумет- тік саясатты жасау міндеті тұрды. Әлеуметтік салада мемлекетке екі қызмет жүктелді: адам капиталына тартылатын инвестиция және әлеуметтік тұрғы- дан аз қамтылған азаматтарға көмек көрсету. Бұдан басқалары өз еңбек- терімен табылуы қажет. Ұлт жоспары бойынша әлеуметтік жәрдем белгілі бір адамдарға бағыт- талады, табыстары отбасындағы әр адамға шаққанда, күнкөрістік мөл- шердің тең жартысынан төмен болған отбасыларға беріледі. Бұл ретте жұ- мыспен қамту және әлеуметтік бейімдеу бағдарламаларына қатысқандығы туралы әлеуметтік келісімшарт жасалады. Дағдарысқа қарсы белсенді әлеуметтік саясат өзінің жақсы нәтиже- лерін бере бастады: 2016 жылы жұмыссыздықтың өсуі тоқтатылды. Бюд- жеттік түсімдердің қысқартылуына қарамастан, Үкімет өзінің барлық әлеу- меттік міндеттемелерін орындап шықты. Бюджеттегілердің еңбекақысы және жәрдемақылар ұлғайды. Ең төменгі еңбекақы (күнкөріс минимумы) 2010 жылдан 2016 жылға дейін 65 процент өсті. Аймақтардың әкімдері жұ- мыс орындарының сақталу мәселесін бақылауда ұстады және кәсіпорын- дардың тоқтаусыз жұмыстарын қамтамасыз етті. Аз қамтамасыз етілген отбасыларға тікелей көмек ретінде 2016 жылы 1,5 миллиард теңге бөлінген. Жарты миллион көпбалалы отбасы мемле- кеттік жәрдемақы алды. Он жылдың ішінде бала туғанда берілетін жәрдем ақшаның көлемі 6 есе, ал баланы күтуге байланысты берілетін жәрдем 4 есе артты. 2017 жылы бала туғанда берілетін жәрдемнің көлемі және зей- нетақы төлемдері 20 процентке өсті. «Нұрлы жол» бағдарламасы және «Бизнестің жол картасы-2020» жаһандық дағдарыс жағдайында өзінің әлеуметтік салаға бағытталуы жағынан ерекше маңыздылыққа ие болды. Осы бағдарламалар бойынша инфрақұрылымдық жобаларға бөлінетін барлық қаржы қазақстандықтар- дың игілігіне жұмсалуы керек. |