басқа да мүшелерді зақымдайды. Артериялық гипертонияның әсерінен
жүректің сол жақ қарыншасы басымырақ
ұлғаяды,
артерияларда
эластофиброз ,
атеросклероз , ал мидың, жүректің, бүйректің, көздің торлы қабықшасында
және басқа да мүшелердің артериолаларында
артериолосклероз өрбиді.
Сондықтан созылмалы гломеруланефритке тән өзгерістер гломерулиттен және
оның салдары ретінде дамитын гломерулосклероздан ғана туындамайды,
нефрогендік гипертониямен де,
артериолосклерозбен де сабақтас болады. Бұған
ерекше мән берген жөн. Өйткені, бүйрек бүрісіп, артериялық гипертония
дамып, жүрек ұлғайып, тамырлар склерозға ұшыраса, созылмалы
гломеруланефритті гипертония ауруының бүйректік нысанынан ажырату өте
қиын.
Асқыну зардаптары . Гломеруланефрит жедел немесе жеделдеу ағымды
болса,
бүйрек қызметінің жедел жеткіліксіздігіне ұшыратады. Ал созылмалы
гломеруланефритке азотемиялы уремия орын алатын
бүйрек қызметінің созылмалы жеткіліксіздігі тән. Кейде науқас
жүрек-тамыр қызметінің жеткіліксіздігінен немесе
миына қан құйылғандықтан өледі.
Ақыры . Жедел гломеруланефритпен сырқат адамдар, әдетте жазылып кетеді,
ал жеделдеу және созылмалы гломеруланефриттің зардабы, көбіне ауыр.
Созылмалы гломеруланефрит бүйрек қызметінің созылмалы жеткіліксіздігіне
себеп болады. Ондай жағдайдағы науқастың өмірін ұзарту үшін оған басқа
адамның бүйрегін көшіріп отырғызу керек немесе үнемі гемодиализді қолдану
қажет.
