Нуржігіт Алтынбеков 579
Бөртпелердің
микробейнесін тіні сулы ісінген, толыққанды ошақтар, кейде
терінің бүртікті қабатына жиналған экстравазаттар және қан тамырларының
төңірегіне шоғырланған лимфоциттер мен гистиоциттер құрайды. Эпидермис
көпіршіктеніп, тіпті кейбір жерлері некроз шарпып, сулы ісініп, шала
қасаңданады (
паракератоз ). Қабыну үдерісі бәсеңдеген кезде дұрыс
қасаңданбаған эпителий мен өлі эпителийді жаңа эпителий ығыстырып, ол
жерлер
кебек тәрізденіп түлейді . Лимфалық түйіндердің, талақтың, асқорыту
жолының лимфоэпителийлік құрылымдарының В-тәуелді аймақтарында
плазмалы жасушалар көбейіп, фолликулдарының өскелең орталығы ұлғаяды.
Бадамша бездерде, аппендикс пен лимфалық түйіндерде
көпядролы алып макрофагтар болады.
Қызылша асқынбаса, өкпенің альвеоларлық перделерінде лимфоциттерден,
гистиоциттер мен плазмалы жасушалардан милиарлы және субмилиарлы
ошақтар түзіледі. Кейде
интерстицийлік пневмония дамып, альвеолалардың
қабырғасында
ғажайып пішінді алып жасушалар пайда болады; бұл –
қызылшалық алыпжасушалы пневмония . Бірақ бұл пневмонияның тек
қызылша вирусының әсерінен ғана туындайтыны әлі дәлелденген жоқ.
Сирек те болса,
қызылшалық энцефалиттің клиникалық нышаны байқалып
тұрады. Үдеріс негізінен мидың ақ затында өрбіп, қан тамырларының
төңірегіне глиялық және мезенхималық элементтер шоғырланады.
Асқыну зардаптарының ішінде басты орынды
вирустық және
бактериялық қосымша инфекциядан туындаған
бронхит пен
пневмония алады (317-сурет).
317-сурет. Қызылша қосымша бактериялық инфекциямен асқынғанда дамыған некрозды панбронхит
