АИТВ инфекциясы AXЖ (B20) - антропонозды, созылмалы түрде өтетін түрлі механизммен таралатын вирусты жұқпалы ауру.
Адамның иммундық жүйесін зақымдап, қорғаныс қабілетінің кемдігіне соқтырады, микробтар мен вирустардың әсерінен өкпенің қабынуы, мидың зақымдалуы, қанға таралу, қатерлі ісік аурулары пайда болады.
Қоздырғышы- РНКлы, Retroviridae туыстығына жататын вирустар, 3000 жуық серологиялық варианттары табылған. I тип Орталық Африка, Европа, Америка, Азияда II тип Батыс және Орталық Африка, Америка, Европада таралады.
Вирустар көп мөлшерде қан, жұлын сұйықтығы мен спермадан табылады, аз мөлшерде сілекей, көкірек сүті, тер, зәр, нәжісте табылады
Беріліс механизмдері
1.Жыныстық қатынас - қорғану тәсілдерін қолданбай жыныстық қатынаста болған кезде жұғады. Жыныстық жақындасу кезінде әріптестердің жыныс мүшелерінің шырышты сілекей қабығындағы жарақатқа, қанға немесе сары суға вирус түссе ауруды жұқтырады.
Қатерлі жыныстық қатынастар гомосексуалисттер,
бисексуалисттер, жезөкшелер арасында кеңінен таралған.
2. Парентералдық жолмен - АИТВ инфекциясын жұқтырған адамның қаны, қан препараттары, залалсызданбаған медициналық инструменттер арқылы таралады (қан құю, қан жұққан шприцпен инені қайта пайдалану, татуировка, емдеу диагностикалық шаралар).
3. АИТВ вирусын жұқтырған анадан балаға жүктілік, босану немесе емізу кезінде микрожарақат арқылы жұғады