Әдеби-теориялық түсініктерге глоссарий Аллитерация-өлең жолдарының бірыңғай дауыссыз дыбыстан келіп үндесуі.
Ассонанс-шумақтың алғашқы дыбыстары бірдей дауысты дыбыстан келіп, ерекше үндес табуы.
Анафора-айтпақ ойды, ұқтырар сезімді мұқият сіңіру үшін өлең жолдарының басында бір сөздің бірнеше қайталанып айтылуы.
Эпифора-өлеңнің әр тармақтарының соңында немесе әр ой ағымының аяқ жағында бір сөздің қайталанып келуі.
Метафора-суреттеліп отырған зат не құбылсты айқындай түсу үшін оларды ұқсас өзге затқа не құбылысқа балап айту.
Эпитет-заттың не құбылыстың айырықша сипаты мен сапасын анықтап,ерекше көріктендіру үшін қолданылатын айқындаулар.
Теңеу- заттың, я құбылыстың сыр-сипатын, белгі-бедерін, қадір-қасиетін, сапа-сынын өзге затпен не құбылыспен салыстыра суреттеу арқылы танытып, айырықша мән-мағына беру
Пейзаж-табиғатты суреттеу.
Портрет-адамның түр-сипатын киген киімі, қылығымен бірге суреттеу.
Параллелизм-бір-біріне ұқсас құрылымды сөйлемдер мен сөз тіркестерінің, формалас сөйлем мүшелерінін қабаттаса қатар қолданылуы.
