а) техникалық құралдар: компьютерлер, интерактивті тақта, мультимедиялық
құрылғы.
ә) көрнекі және дидактикалық құралдар: өзіндік жұмыстарға арналған кестелер, макро – микропрепараттар, плакаттар, тест тапсырмалары.
б) оқыту орны: кафедраның оқу бөлмелері, патанатомиялық мұражай.
7. Әдебиеттер: Негізгі: Қазақ тілінде: 1.Ахметов Ж.Б. Патологиялық анатомия. 1-2 т. – Алматы, «Білім», 2008.
2.Ахметов Ж.Б. Патологиялық анатомия. -Алматы , 2004.
Қосымша: орыс тілінде: 1. Струков А.И., Серов В.В. Патологическая анатомия. Учебник. – 1995
2.Аверьянов П.Ф. «Основы общей патологии». 2008.
3.Ремизов И.В. «Основы патологии». 2009.
4.Серов В.В., Пальцев М.А., Ганзен Т.Н. Руководство к практическим занятиям по патологической анатомии. –М., 1998.
8. Ұйымдастыру кезеңі: 2 мин
Оқушылардың сабаққа қатысуын тексеру.
Оқушылардың сабаққа дайындығын тексеру.
Сабақтың мақсаты мен міндеті.
9. Оқушылардың өтілген тақырып бойынша білімін тексеру: 10 мин
Өтілген сабақ бойынша оқушылардың теориялық білімін ауызша сұрақ – жауап
күйінде тексеру.
10. Жаңа сабақты түсіндіру:14 мин
Кардиосклероз (шорланған жүрек) – жүректің бұлшықетті қабатында дәнекер тканьнің көбейіп кетуі. Ол - әдетте, басқа аурулардың салдары ретінде дамитын, екінші ретті процесс.
Патологиялық анатомисы.Кардиосклероздың ошақты және диффузды түрі бар. Кардиосклероз ошақты болса, жүрек бұлшықетінде көлемі әртүрлі ақшыл тыртықтар пайда болады. Ошақтытыртық көбінесе миокард инфарктісінің орнында қалыптасады. Кейде тыртықты ошақ жүрек бұлшықетінің барлық қабатын жайлап, көлемді болады да (ірі ошақты кардиосклероз), ол жерлер қалталана кеңейіп, созылмалы аневризмаға (грекше aneuryno - кеңею) айналады. Тыртықтың төңірегіндегі миокард қалыңдайды. Кардиосклероздың жиірек түрі- ұсақошақты кардиосклероз. Оның даму барысында жүректің бұлшықетті қабатындағы тамырлардың төңірегін қоршап, ақшыл түсті ұсақ ошақтар мен жолақтар қалыптасады. Олар гипоксияның салдарынан дистрофия мен атрофияға шалдыққан немесе мүлдее жойылған бұлшықеттік клеткалардың орнындаөскен дәнекер ткань талшықтарынан түзіледі.Кардиосклероз диффузды болса, дәнекер ткань жүректің бұлшықетті қабатында тым көбейіп, строма біркелкі қалыңдайды. Көбейген дәнекер такнь бұлшықет талшықтарын орап алады, сығымдап, атрофияға ұшыратады.
