Оқу құралы жоғары оқу орындарының қазақ тілін үйренуші студенттеріне арналған. Тілдік материалдарды беруде тіл үйренушілердің жалпы білім беретін мектептен қазақ тілін үйреніп келгені ескерілген

- Шығыс Қазақстанда 75 көл бар?

- Солардың ең үлкені Зайсан көлі ғой.

Одан басқа қандай көлдер бар?

- Мен алдымен Марқакөлді атар едім.

Қазақстанда ең тұнық көл - Марқакөл. Ол теңіз деңгейінен 14,85 метр биіктікте орналасқан. Көлдің ұзындығы - 38, ені 19 шақырым. Тереңдігі - 27 метр. Марқакөлді шағын "Байкал" деп атайды. Бұл көлге 27 өзен мен бұлақ келіп құяды, бір ғана Қалжыр өзені ағып шығады. Суы тұщы, мөлдір балыққа бай.

- Балықтың қандай түрлері бар?

- Марқакөлде табан, сазан, аққайран, қаяз және т.б. мекендейді.

Көл айналасындағы тау беткейінде қарағай, самырсын т.б. орман ағашы өседі. Марқакөл - Қазақстандағы табиғаты бай, суы шипалы жер.