Төмендегі сөз тіркестерімен сөйлем құраңыздар

Кербез сұлу, жер жәннаты, әр пұшпағы қымбат, кестелі сөздің зергері, келбетіне қарау, періште көңілі кіршіксіз, ағынан жарылу, ажарлы болу.

Көгілдір нуға бөленген,

Көрікті неткен Бурабай!

Құттықтап оны өлеңмен

Өтпеген ақын жырламай.

Табиғат тартқан сыйлығын

Таратқан жұртқа бұлдамай.

Бітімі шебер, тым қиын,

Толқытар сені бұл маңай.

Өңкей бір шатыр, көк өндір

Көтерген сұлу тастары,

Төменде айдын көк мөлдір,

Төбеңде шексіз аспаны.

Көлдері жайнап көзіндей,

Қарады маған ол тұрып.

Қайдағы қымбат сезімдей,

Кеудемді жырға толтырып.

Толқыны тосып құшағын,

Еркелей жүздім көліне.

Кілемін жайып көп шалғын,

Аунадым майса көгіне.

Алдыма тартып айнасын,

Айнала қарап тұрды құз.

Оранған нуға алуан шың -

Сыланған бейне сұлу қыз.

Орманға толы өңірі,

Ойладық оның сырын біз:

Өмірі балғын со ғұрлы,

Болар ма сондай жырымыз!

(Ғ.Орманов)