Мына нақыл сөздердің мәнін ашыңыздар

1. Ауылыңның жастарын көрсет, еліңнің болашағын айтып берейін.

Дана қарияның сөзі.

2. Тегінде адам баласы адам баласынан ақыл, ғылым, ар, мінез деген нәрселермен озады. Одан басқа нәрсемен оздым ғой демектің бәрі бекер.

Абай

3. Бізге ешқашан болмаған нәрсе туралы армандауға қабілетті адамдар

Джон Кеннеди.

4. Елдік мұрат жолында біздің жастарымыз өз Отанына қызмет етуден басталатын асыл қасиеттерді университеттер қабырғасынан қалыптастырғаны аса қажет.

Н.Ә. Назарбаев.

Білімнің алтын ордасы әл-Фараби атындағы Қазақ ұлттық университетіндегі студенттерге шынайы өнер арқылы әсер ететін тәрбие ошақтарының бірі – студенттер клубы. Студенттер клубы түрлі мәдени қажеттіліктерді қарастыру, студенттердің, магистранттардың, аспиранттардың, дайындық бөлімі тыңдаушыларының өзіндік шығармашылық қабілетін дамыту үшін құрылған.

Студенттер клубының мақсаты – жігер оты жалындап жанған студент жастардың жас дәуренін текке өткізбеу, жаман әдеттерден аулақ ету, олардың бос уақытын әсерлі ән, әсем күй, мың бұралған би әлемімен қауыштыру. Клуб университет өмірінде барлық мәдени шараларды өткізу жұмыстарын жүргізеді. Студенттер клубы барлық қалалық және республикалық байқауларға белсенді түрде қатысады.(М. Арыстанбаев. “Студенттер клубы туралы”. “Қазақ университеті” газеті, №5, 27-қыркүйек, 2005 жыл).