«Оқу-тәрбие үрдісінде ақпараттық – коммуникациялық технологияны (акт) қолданудың тиімділігі «Баланың ынтасын арттыру үшін оқылатын нәрседен бір жаңалық болуы керек»

Мақсаты: білім беруді ақпараттандыру жағдайында ақпараттық-коммуникациялық технологияларды оқу-тәрбие үрдісінде тиімді қолдану арқылы қоғамдық пәндерді оқытудың сапасын арттыру, студенттердің оқу материалдарын толық меңгеруі үшін оқу материалдарының практикалық жағынан тиімді ұсынылуына мүмкіндік беру. Бұл мақсаттарға жету жолында электрондық оқулықтар, тексеру программалары, оқыту бағдарламалары сияқты бағдарламалық өнімдер қызмет етеді. Білім саласында компьютер оқушы үшін оқу құралы, ал мұғалім үшін жұмысшы болып табылады. Оның қолданылуы нәтижелі болуы үшін бағдарламалық құралдар толық түрде оқытушының және студенттің алдына қойған мақсатына жетуін және шығару жолдарын қамтамасыз ету керек.

• 
  жеке тұлғаның дамуында маңызды роль атқаратын студенттің  өз бетінше жұмысын тиімді ұйымдастыра білу;
  
• 
  сол арқылы білім, білік, дағдының  жоғары деңгейіне шығу;
  
• 
  студенттің түрлі дара қабілеттерін арттыру;
  
• 
  пәнге деген қызығушылығын арттыру;
  
• 
  пән бойынша білім сапасын арттыру.
  

1. Ақпараттық технологиялардың негізінде оқу-тәрбие үдерісінің барлық деңгейін қарқындату бағытында, яғни

• 
  оқыту үдерісі сапасы мен тиімділігін көтеру;
  
• 
  танымдық іс-әрекет белсенділігін көтеру;
  
• 
  пәнаралық байланыстарды тереңдету;
  
• 
  қажет ақпаратты іздеу тиімділігі мен көлемін кеңейту.
  

• 
  түрлі ойлау қабілеттерін дамыту;
  
• 
  байланыс жолдары қабілеттілігін дамыту;
  
• 
  күрделі жағдайлардағы шешім нұсқаларын ұсыну;
  
• 
   компьютерлік графика мен мультимедиа технологияларын пайдаланып, эстетикалық тәрбиелеу;
  
• 
  ақпаратты өңдеу және ақпараттық мәдениетті қалыптастыру;
  
• 
  жағдай немесе мәселені моделдей білуді дамыту;
  
• 
  тәжірибелі-зерттеу іс-әрекетін жүзеге асыра білуді қамтамасыз ету.
  

Дамыған елдердегі білім беру жүйесінде ерекше маңызды мәселелердің бірі – оқытуды ақпараттандыру, яғни оқу үрдісінде ақпараттық – коммуникациялық технологияларды пайдалану. Қазіргі таңда елімізде білім беру жүйесінде жаңашылдық қатарына ақпараттық кеңістікті құру енгізілді. Ақпараттандыру жағдайында студенттер меңгеруге тиісті білім, білік, дағдының көлемі күннен күнге артып, мазмұны өзгеріп отыр. Білім беру саласында ақпараттық – коммуникациялық технологияларды пайдалану арқылы білімнің сапасын арттыру, білім беру үрдісін модернизациялаудың тиімді тәсілдері пайдаланылуда және одан әрі жетілдірілуде.

Білімді ақпараттандыру – қоғамдық пәндерді оқытудың басты талабы. Қоғамды ақпараттандыру үрдісінің дамуына байланысты тіл үйретудің мазмұны жаңарып отырады. Қазіргі жаппай ақпараттандыру заманында қоғамдық пәндерді оқыту мен ақпараттық технологияларды игеру жарыспалы түрде қолданылады. Ақпараттық қоғам кезінде оқытушы студенттердің алдында жалғыз ақпарат көзі болмайды. Ол ақпарат алуды жеңілдететін аралық тұлғаға айналады. Адамзат өркениетінің іргелі сипаты қажетті ақпаратты іріктеп алу, жинақтау, өмірге бейімдеп өңдеу және тұтыну болып табылады. Ақпараттық қоғамда алғашқы компьютерлік сауаттылық пен оны пайдалана білуді меңгермейінше, белгіленген міндеттерді шешу үшін компьютерлік құралдарды пайдалана білмейінше қазіргі ғылым мен мәдениетте, өндірісте, іскерлік пен қоғамның басқа да саласында адамның шығармашылық әлеуметін толық пайдалану мүмкін емес. Сондықтан қоғамдық пәндерді оқытуда қатысымдық құзыреттіліктің жоғары белсенді түрін дамыту ақпараттық-коммуникациялық технологияларды тиімді қолданғанда жүзеге асады.

Қоғамдық пәндерді оқытуда ақпараттық  - коммуникациялық технологияларды (электронды оқулық) пайдаланудың тиімділігі:

• 
  оқушының өз бетімен жұмысы;
  
• 
  аз уақытта көп білім алып, уақытты үнемдеу;
  
• 
  білім-білік дағдыларын тест тапсырмалары арқылы тексеру;
  
• 
  шығармашылық есептер шығару;
  
• 
  қашықтықтан білім алу мүмкіндігінің туындауы;
  
• 
  қажетті ақпаратты жедел түрде алу мүмкіндігі;
  
• 
  экономикалық тиімділігі;
  
• 
  іс-әрекет, қимылды қажет ететін пәндер мен тапсырмаларды оқып үйрену;
  
• 
  қарапайым көзбен көріп, қолмен ұстап сезіну немесе құлақ пен есту мүмкіндіктері болмайтын табиғаттың таңғажайып процестерімен әр түрлі тәжірибе нәтижелерін көріп, сезіну мүмкіндігі;
  
• 
  студенттің ой-өрісін дүниетанымын кеңейтуге де ықпалы зор.
  

Электронды оқулықты қолдану саласы өте кең: электронды – оқыту жүйесі қашықтан оқыту үшін, өздігімен ізденіс барысында, жалпы білімге деген талпыныс бар студенттерге өте тиімді. Қазіргі заман талабына сай мүмкіндігін көп дербес компьютерлерді өңдей отырып, тарау бойынша студенттердің дағдыларды қалыптастыру, білім бақылау жұмыстарын бағалауға мүмкіндік береді. Осы арқылы компьютерлік технологияның дамуының тереңдетілуі білім сапасын жоғарылата отырып, мұғалімнің жұмысын жеңілдете түседі.