| 3. Алыпсатарлық уəжі (спекулятивтік мотив), адамдардың
өз байлықтарын қаржылық активтер түрінде сақтауға тілек
білдіруіне байланысты ақшаға сұраныс ретінде қарастырыла-
ды. Мұндай сұраныс кезінде ақша қаржы активтерін сату жəне
қайта сату арқылы табыс əкеледі. Ақшаға сұраныстың бұл түрі
пайыздық қойылым мен құнды қағаздар бағамына байланысты.
Пайыз артқан сайын құнды қағаздардың құны төмендей береді,
соған сəйкес, құнды қағаздарға сұраныс өседі. Бұл қолма-қол
ақшаны азайтып, ақшаға деген сұранысты төмендетеді. Осыған
байланысты, пайыздық қойылым мен ақшаға сұраныс арасындағы
кері тəуелділіктің бар екенін байқауға болады.
Келісімдер уəжі мен сақтық уəжі ақшаға трансакциондық
сұранысты сипаттайды, яғни қазіргі жəне болашақ кезеңдерде
келісімдер үшін қажетті ақшаның көлемін анықтайды. Ақшаға
148
деген трансакциондық сұраныс ең алдымен, табыс деңгейіне
тəуелді, ал пайыздық қойылымға тəуелді емес. Сондықтан да
оның сұраныс қисығы тік сызық түрінде орналасады (6.1 а-сурет).
Достарыңызбен бөлісу: | 
