Оқулық «Білім беруді дамыту федералдық институты»
ЖАҒАЛАРДЫ ӨҢДЕУ ЖӘНЕ ОЛАРДЫ БҰЙЫММЕН
жүктеу/скачать 13,94 Mb. Pdf көрінісі
|
7d6a2d54b54db2ebe9d242e24bcc4fb8
| ЖАҒАЛАРДЫ ӨҢДЕУ ЖӘНЕ ОЛАРДЫ БҰЙЫММЕН
БІРІКТІРУ Жағаларды өңдей отырып, астарлы бұйымдарды дайындаған кезде көбінесе мынадай реттілік сақталады: астыңғы жағаны өңдеу, үстіңгі жағаны өңдеу, үстіңгі жағаны астыңғы жағамен біріктіру. Одан кейін дайын жағаны бұйымның мойын ойындысымен біріктіреді. Бұйымның моделіне, түріне, пайдаланылатын материалдардың қасиеттеріне байланысты көрсетілген реттілік өзгеруі мүмкін. Астыңғы жағаны өңдеу кезінде оның қатырмаланған құрамды бөлшектерін – астыңғы жағаның қиылатын тіктемесі мен астыңғы жағаны сырып тігеді. Сырып тігу тігісін бір инелі не екі инелі машинада айыра тігеді. Айыра тігу тігімдерінің арасындағы арақашықтық 4...8 мм. Айыра үтіктелген сырып тігу тігісінің ортасына екі параллель тігімнің орнына бір ирек тігім салады. Егер астыңғы жағаны тігіспен ортасынан пішсе, онда қалыңдығын кішірейту үшін әуелі астыңғы жағаның бөліктерін сырып тігіп, сырып тігу тігісін айыра үтіктеген дұрыс, одан кейін барып астыңғы 284 3.7. жағаны желімдік іштік материалмен қатырмалаған дұрыс. Қажет болған жағдайда астыңғы жағаны көлемді жастықшалары бар баспақта немесе үтікпен қалыптайды. Соңғы жағдайда әуелі тіктеме қиығын ортасынан бастап шеттеріне дейін, одан соң жаға қырының қиығын ортасынан бастап шеттеріне дейін созады. Тіктеменің бүгілу сызығы баса үтіктелуі мүмкін. Қалыптаудан кейін астыңғы жағаның контуры мен өлшемдерін дәлдейді, материалдың артық жерлерін кесіп тастайды. Үстіңгі жағаны келесідей дайындайды. Оны құрамды бөліктерден айыра үтіктеп, қайым тігіспен біріктіреді. Үстіңгі жағаның қиылатын тіктемесін қосып тігу тігісінің қосымшаларын тіктеме жаққа бағыттай отырып, айыра тігеді не бүгіп тігеді. Жағаны қажет болған жағдайда тіктеме мен қыры бойынша созу арқылы қалыптайды. Дайындалған үстіңгі және астыңғы жағаларды ұштары мен қыры бойынша, үстіңгі жағаның материалын бұрыштарда қондыра отырып, жөрмеу тігісімен біріктіреді. Жөрмеу тігісінің қосымшаларын бұрыштарда қияды, жағаны беткі жағына айналдырып, бұрыштарын түзейді. Үстіңгі жағаның матасынан қыры мен ойықтары бойынша жиектеме жасап, дайын жағаны баса үтіктейді. Егер модельмен қарастырылса, жағаның ұштары мен қырын арнайы ызбамен шеттіктейді. Әуелі үстіңгі және астыңғы жағаларды теріс жақтарын ішке қаратып қояды да, олардың қиықтарын ені 4...5 мм тігіспен сырып тігеді, одан кейін арнайы құрылғысы бар машинада шеттіктейді. Өңделген жағаның тең шеттері, конструкцияда қарастырылған пішіні мен өлшемдері, симметриялы ұштары болуы тиіс, ал суреті бар маталарда суреттің симметриялығы сақталуы тиіс. Өңірлермен тұтас пішілген жағаларды өңдеу кезінде әуелі астыңғы жағаны бұйымның мойын ойындысымен біріктіреді, одан кейін бүйір мен астыңғы жағаны үстіңгі жағамен тұтас пішілген өңірастылармен бір мезетте жөрмейді. жүктеу/скачать 13,94 Mb. Достарыңызбен бөлісу:
|