Оқулық Ә.Ә. Шортанбаев, С. В. Кожанова. Алматы, 2008. 2
жүктеу/скачать 9,99 Mb. Pdf көрінісі
|
- Бұл бет үшін навигация:
- Кешендiк вирусөндiрушi антигендер.
| Кешендiк антигендердiң маңызды түрiне интеграциялық антигендер
жатады. Оған жататындар: кешендiк вирусөндiрушi антигендер және iсiкерекшелiк антигендер. Кешендiк вирусөндiрушi антигендер. Антигендер вирустық геномының және нысана-жасушалар геномының интеграциясында вирусөндiрушi антигендердiң экспрессиясы салдарынан жасушалық мембранада пайда болады. Осындай кешендi антигендер вирусқа қарсы иммунитеттiң негiзiн құрайтын вируспен жұқтырылған жасушаларға қарсы иммундық серпiлiс шақырады. Иесiнiң жасуша геномына онкогендердiң құрылуы, олардың келесi белсенуi малигнизацияланған жасушаларда iсiкерекшелiк антигендерiнiң пайда болуына әкеледi және де кешендi антигендердiң мысалы болып табылады. Осы антигендерге қарсы бағытталған иммундық жауап, iсiкке қарсы иммунитеттiң дамуының негiзiнде жатыр. Кешендiк антигендердiң басқа маңызды түрiне экзогендiк гаптендердiң (дәрi-дәрмек, олардың метаболиттерi, тұрмыстық, өнеркәсiптiк, ауыл шаруашылық өнiмдерi, тағамдық бояулар, консерванттар, тұрақтағыштар және т.б.) ағзаның өзiнiң тасымалдаушы – нәруызымен әрекеттесуi нәтижесiнде түзiлген антигендер жатады. Осындай кешендiк антигендер ағзада бөтентектi гаптендерге қарсы антиденелер түзiлiсiн шақырады, бұл жағдай аллергиялық серпiлiстiң (аллергияның тағамдық дәрiлiк және т. б. түрлерi) пайда болуына, ал кейде аутоиммундық үрдiстердiң (бауыр циррозына әкелетiн токсикалық гепатит) өршуiне әкеледi. Кешендi антигендердiң екi негiзгi түрлерi үшiн «өзiнiкi» + «бөтендiкi» қосындысы деген сипаттама тән. жүктеу/скачать 9,99 Mb. Достарыңызбен бөлісу:
|