Оқулық Ә.Ә. Шортанбаев, С. В. Кожанова. Алматы, 2008. 2
жүктеу/скачать 9,99 Mb. Pdf көрінісі
|
| ИНТЕРЛЕЙКИН–5 (адам хромосомаларының 5 жұбы). 45 000 –
60 000 Д жуық молекулалық салмағы бар жоғары гликозидтенген ақуыз. Тх2-лер өндiредi. Негiзгi нысана-жасушалары болып В-лимфоциттер мен эозинофилдер келедi. В-жасушаларының көбеюiн қолдау қабiлетi ИЛ- 4 пен ИЛ-1 әсерлерiнен кейiн жүзеге асырылады. ИЛ-5 В-лимфоциттердiң плазматикалық жасушаларға, әсiресе IgA өндiрушiлерге, айналуына көмектеседi. Секреторлық IgA-ның өнiмiн ұлғайтып, ИЛ-5 шырышты қабаттардың жергiлiктi иммундық қорғанысын күшейтедi. Қалыпты жағдайда эозинофилдердiң саны жоғары емес. ИЛ-3 пен ГМ-КСФ-тың әсерiнен миелоидтық бағаналы жасушалардан аз мөлшерде эозинофилдер пайда болады. Бiрақ, гельминтоздар сияқты паразитарлық жұқпалар кезiнде эозинофилдердiң саны күрт жоғарылайды. Басқаша айтқанда, ИЛ-5 эозинофилдердiң белсенді өсiру және пiсiп жетілдіру факторы болып келедi, гельминттердiң личинкаларын жою қабiлеттерiн жоғарылатады, яғни, ИЛ-5 эозинофилдердi қабыну, антипаразитарлық және iсiкке қарсы реакцияларға араластырады. Аталған қасиеттерге қоса ИЛ-5 жетiлген эозинофилдердi қоздырады: фагоцитозды белсендiредi, iсiк жасушаларының антидене тәуелдi цитолизiн, оттегiнiң супероксид-анион- радикалдарының өнiмiн күшейтедi. ИЛ-5тiң әсерi ИЛ-3 және ИЛ-4 сияқты басқа цитокиндермен күшейтiлуi мүмкiн. ИЛ-5тiң өнiмi Тх2лердiң Ил-4тi синтездеуiне тiкелей байланысты. ИЛ-4 бойынша ақаулығы бар тышқандарда паразитарлық 134 инфекциялар кезiнде эозинофилдердiң саны төмендейдi, ал ИЛ-5-терi аз тышқандарда эозинофилдердiң пайда болуы мүлдем тоқтатылады. Сонымен, ИЛ-5 – әсерлерiнiң көлемi «тар» Тх2-нiң өнiмi. Ол В- лимфоциттер мен эозинофилдердiң өсу және пiсiп жетілу факторы болып келедi, жергiлiктi иммунитеттi дамытып IgA-ның өнiмiн жоғарылатады, паразитарлық инвазиялар мен iсiк өсуiне қарсы эозинофилдердi қоздырады. жүктеу/скачать 9,99 Mb. Достарыңызбен бөлісу:
|