Оқулық Жалпы редакциясын басқарған профессор Т. М. Досаев
жүктеу/скачать 2,15 Mb. Pdf көрінісі
|
Досаев Анатомия
- Бұл бет үшін навигация:
- Табанның латералды нерві
- Табанның медиалды нерві
- Құйымшақ өрімі
| Асықты жілік нерві
(n.tibialis) (L 4 -S 3 ) тақым шұңқырының тамыр-нерв шоғырының қзұрамында (бұл жерде тамырлардың артында орналасады) беткей жүре отырып, балтыр- тақым өзегіне кіріп, malleolus medialis-ты айналып өтіп, аяқ басының табандық бетіне барып, медиалды және латералды табан нервтеріне бөлінеді. Асықты жілік нервінен тақым шұңқыры аймағында балтырдың медиалды терілік нерві (n.cutaneus surae medialis) шығып, балтыр бұлшықеті бастарының арасынан (аяқтың кіші теріасты нервінен сыртқа қарай) төмен бағытталып, дәнекер тармақтар арқылы n.cutaneus surae lateralis-пен бірігеді. Балтырдың артқы топ бұлшықеттеріне, тізе буынының капсуласына, сирақ-асық буынының медиалды бөлігіне және тілерсек буындарына көптеген тармақтар береді. Табанның латералды нерві (n.plantaris lateralis) аттас артерия және венамен бірге табанның латералды жүлгесімен жүре отырып, беткей және терең тармақтарға бөлінеді. Беткей тармағы Ү бақайдың сыртқы, латералды және медиалды беттерінің, ІҮ бақайдың сыртқы және латералды беттерінің терісін және табанның осы бақайларға сәйкес келетін бөлігінің терісін нервтендіреді; бұдан басқа, осы тармақ ІҮ, Ү бақайлардың дисталды бунақтарының сыртқы бетінің терісін нервтендіреді. Терең тармақ mm.interossei dorsales et plantares, lumbricales III, IY, adductor hallucis, flexor hallucis brevis пен кіші бақай томпағының бұлшықеттерін нервтендіреді. Табанның медиалды нерві (n.plantaris medialis) аяқ басының медиалды жиегінде аттас артериямен бірге бүккіштер ұстағышының беткей және терең жапырақшаларының арасындағы өзекте орналасады. Табанның медиалды артерияларымен және веналарымен бірге m.abductor 314 hallucis brevis пен бақайлардың қысқа бүккіштерінің медиалды жиегінің арасындағы ұңғылда дисталды бағытталады. Нерв бұл жерде табанның медиалды-дисталды жартысының терісін, І- ІІІ бақайлардың табандық беті мен ІҮ бақайдың медиалды жағының терісін нервтендіретін тармақтарға бөлінеді. Бұдан басқа, табанның медиалды нерві m.flexor digitorum brevis пен mm.lumbricales І, ІІ-ге, үлкен бақай томпағының үлкен бақайды әкелетін бұлшықетінен басқа бұлшықеттеріне және үлкен бақайдың қысқа бүккішінің терең басына бұлшықеттік тармақтар береді. Құйымшақ өрімі (plexus coccygeus) (S 5 -Co 1 ) құйымшақ бұлшықеті мен құйымшақ- қылқан байламының жамбастық бетінде орналасады. Одан артқы өтіс аймағының терісін нервтендіретін артқы өтіс-құйымшақтық нервтер шығады. жүктеу/скачать 2,15 Mb. Достарыңызбен бөлісу:
|