Тоқсандық жиынтық бағалау жұмысына 6 сыныпқа 40 минут, беріледі.
Тоқсандық жиынтық бағалау жұмысын орындау барысында: сөйлесуге, көшіруге, басқалардан көмек сұрауға болмайды.
Егер оқушыға жауап жазу үшін орын жеткіліксіз болған жағдайда тапсырмалар соңындағы бос орынды пайдалана алады. Тапсырма нөмірі анық жазылуы тиіс.
Жұмыс барысында корректор қолдануға тыйым салынады.
Ескерту! «Пікіріңді жаз», «пікіріңді білдір», «ойыңды жаз», «ойыңды білдір», «түсіндір», «анықта» деген тапсырмаларға жауап толық болуы тиіс.
“Қазақ тілі мен әдебиеті”пәнінен ІІІ тоқсан бойынша жиынтық бағалау тапсырмалары Оқылым Мәтінді мұхият оқыңыз. Берілген тапсырмаларды орындаңыз. Қазақтың Қанышы Академик, геолог және қоғам қайраткері 1899 жылы 12 сәуірде Павлодар облысы Баянауыл ауданы Айрық деген жерде дүниеге келді. Дүниеге келген сәбиге Ғабдул-Ғани деген есім берілген. Анасы ұлын еркелетіп Ғани, Ғаныш деп атапты. Артынша баланы барлығы Қаныш деп атай бастаған. Сауатын ауыл молдасынан ашқан болашақ ғалым Павлодардағы орыс-қазақ мектебінде, Семей мұғалімдер семинариясында, Томск технология институтының тау-кен факультетінде білім алған. Мұғалімдер семинариясында Ж.Аймауытов, М.Әуезовсынды көрнекті қайраткерлермен бірге оқыған.
Ол қазақтан шыққан тұңғыш геолог еді. Ұлттық техникалық университетке сіңірген еңбегі үшін университетке бүгінде «Қаныш Сәтбаев» есімі берілді. Геологиялық барлау мамандығы бойынша Томск технологиялық институтының тау-кен факультетін бітіріп келгеннен кейінгі Қ.Сәтбаевтың бүкіл өмірі Қазақстанның минералдық ресурстарын және рудалық кендер геологиясын зерттеуге арналған.
Қазақтың ән мұрасын зерттеуші Затаевич Қанышпен кездесіп, 25 әннің шығу тарихын жазып алған. 1947 жылы наурызда Қаныш Сәтбаев КСРО жоғарғы кеңесінің депутаты ретінде Лондонда Уинстон Черчиллмен кездеседі, сол кезде саясаткер одан "Өзге қазақтар да сіз сияқты бойшаң ба?" деп сұрағанда академик: "О не дегеніңіз, Черчилль мырза, олай емес, мен қазақтардың ішіндегі ең кішкентайымын! Халқым менен де биік" деп жауап берген екен.
1-тапсырма. Берілген суреттер арқылы мәтіндегі сөйлемдерді тауып жазыңыз.
