Пайдалану жөніндегі нұсқаулық Сандық мультиметр

1. Қауіпсіздік техникасы

• 
  Жұмыс басталар алдында аспаптың жарамдылығына көз жеткізіңіз. Егер аспап корпусы зақымдалған болса, құрал дұрыс жұмыс істемесе немесе дисплейде кескін-сурет болмаса, пайдалануды тоқтатып, RGK сервистік орталығына хабарласыңыз.
  
• 
  Оқшаулаудың жағдайына ерекше назар аударыңыз.
  
• 
  Егер өлшеу сымдары зақымдалған болса, оларды тек сол типтегі немесе сондай электр сипаттамалары бар сымдарға ауыстыру қажет.
  
• 
  Өлшеу процесінде жалаңаш өткізгіштерге, ажыратқыштарға, мультиметрдің пайдаланылмайтын ұяларына және зерттелетін тізбектің элементтеріне тимеңіз, жанаспаңыз.
  
• 
  Тұрақты кернеу 60 В-тан немесе айнымалы кернеу 36 В-тан (орташа квадраттық мән) асатын кернеуді өлшеу кезінде электр тоғымен зақымдануды болдырмау үшін саусақтарыңызды өлшеу сымдарында қорғаныш тосқауылдарының артында ұстаңыз.
  
• 
  Егер өлшенетін кернеу шамасының тәртібі алдын ала белгісіз болса, өлшеудің ең жоғары шегін таңдап, одан кейін оны дәйекті түрде төмендетіңіз.
  
• 
  Ешқашан аспаптың кірісіне көрсетілген шекті мәндерден асатын кернеу мен токты мәндерін бермеңіз.
  
• 
  Өлшеу диапазонын ауыстырмас бұрын өлшеу сымдарының зерттелетін тізбектен ажыратылғанына көз жеткізіңіз. Өлшеу процесінде өлшеу шектерін ауыстыруға қатаң тыйым салынады.
  
• 
  Аспапты тек мақсаты бойынша пайдаланыңыз, керісінше жағдайда пайдалану қауіпсіздігі бұзылуы мүмкін.
  
• 
  Аспап корпусын ашпаңыз, аспапты өзіңіз жөндеуге немесе модификациялауға тырыспаңыз. Аспапты жөндеуді тек RGK сервистік орталығының білікті маманы ғана жүргізуі тиіс.
  
• 
  Температурасы мен ылғалдылығы жоғары, электромагниттік өрісі күшті жерлерде, жарылыс қаупі бар және отқа қауіпті ортада өлшегішті сақтамаңыз және пайдаланбаңыз.
  
• 
  Аспаптарды тазалау үшін абразивтерді, қышқылдарды немесе еріткіштерді пайдалануға тыйым салынады.