Билал лайпан

ДЖАЙ.  МОСКВАДА  МЕТРО.

1

Басхычла бла ёрге 

Къыз барады атлаб.

Аны ол деменгили 

Джалан бутларын,

Дамлы  къуйругъун 

Эр киши кёзле 

Кюрешелле отлаб

2

Басхычла бла энгишге 

Къыз келеди эниб.

Аны ёшюнлерин,

Ол берекетли ёшюнлерин 

Эркиши кёзле 

Кюрешелле эмиб.

3

Кёзсюз эркишиле 

Кёбдюле дунияда.

Аланы  кёзлерин 

Къуру да ач кёзлерин 

Тиширыуланы ёшюнлеринде,

Бутларында табаргьа боллукъсуз.

ДЖАРТЫ МОЛЛА БЛА ДЖАРТЫ АЛИМ

Джарты  молла дин бузады,

Джарты  ал им - илмуну 

Къулларылла экиси да 

Байлыкъ бла зулмуну.

СЮЙГЕНИНГ БЛА ТЕНГЛЕШДИРСЕНГ

Таула, суула, чегетле,

Джаныуарла, кийикле •

Ненча тюрлю ариулукъ 

Алашада,  мийикде.

2 0

дуниялада Джерден  сора 

[Иен  кёрмедим  башхасын.

{Сёк бла б ирге, Джер бла бирге 

Джер адамы джашасын.

Бу Аламда Джерден башха 

Джаннет джокъду дедиле.

Бу Аламда Джерден ариу 

Джулдуз джокъду дедиле.

Джаннет кибик джсрибизде 

Ариулукъла къошдула.

Ариу къыз бла тенглешдирсенг 

Барысы да бошдула.

Сюйгенинг бла тенглешдирсенг 

Барысы да бошдула.

БЁРЮ ХАЛКЪДА ИТ ЮЗЮКГЕ ОРУН ДЖОКЪ

Дорбуннга ушайд тургъан  юйюнг, къошунг да. 

Къазакъ бёркщ нёгеринг да, хоншунг да.

Улу, джюрек, хайда анга къошул да,- 

Джокъду бизге тынгы-тынчлыкъ дунияда.

Шкокга юреннген бёрюлебиз, билебиз,- 

Ит да чабар, окъ да тиер,- къайгъырмаз.

Тейри бизни эркинликден айырмаз,

Эркин этиб джаратханды ол бизни.

Эркинликни баш кёребиз неден да,

Итледиле бёрю сыйны унутхан 

Биз ёлсек да, бой бермейин ёлебиз,

Сора бизни кёкге къараб улутхан,

Не зат болур? Тарыгъыу

Бёрю адетге, ёзден бетге келишмез.

Улууубуз,- тарыгъыу тюл,- чакъырыу,

Улумайын джыйын джанлы бирлешмез.

2  1

Биз cay болуб,  Тау этеги тийреге 

Не бир душман, не бнр сатлыкъ этмез джукъ 

Аны, улуб, билдиребиз Тейриге - 

Бёрю халкъда ит юзюкге орун джокъ.

джол

Нени да болады ауалы, ахыры,

Нени да болады чегн, мардасы.

Къышны, джайны да, къууанчны, бушууну да, 

Кёрюб болмауну, сюймекликни да.

Хакъдыла - ахыр кюн, ахырзаман да,

Ёлюмге тюбегендиле файгъамбарла да. 

Адамны, адам улуну къутхарабыз деб,

Кёб къыйынлыкъ чекгенднле ала да.

Хар атламыбызны  аланыкъы бла ёлчелеб, 

Атласакъ, абынмазгъа болурбуз.

Аллахны Сёзюн бизге джетдирген, джайгъан 

Аллах сайлагъан келечиле - алалла.

Тынч тюлдю адам улуну джолу - 

Джюрекледе кёбдю джара,  кёбдю таб. 

Аджашабыз, терсейебнз,  къыйналабыз,

Бола тургъанлай, джол  кёргюзтген Кнтаб.

Ийман джолдан, Нюр джолдан башхалары 

Барысы да бошалалла ёлюм бла.

Ёлюмсюзлюк, чексизлнк, ёмюрлюк - 

Уллу Аллах Къуранында айтхан джол.

Ийманы болгъан ол джолда барады,

Аллах онг берсин бизге да ол джолда барыргъа.

2 2

БАШХА ДЖОЛЛА ЭЛТЕДИЛЕ ПАЛАХХА

Хакъ джолунда баргьанды манга джолдаш.

Ийманы болгъанды  манга тенг, къарнаш.

Башха къауумлада джокъду достум-шохум.

Аллахха къуллукъ этеди къаламым,  шкогум.

Барды Аллахым-Къураным-Диним,

Аллах джаратхан Халкъым-Джуртум-Тилим.

Ала бла мен тюлме джангыз -

Эки дуниямы да джарытады Джангы Ай бла Джулдуз.

Недиле: терс-поз, аман-иги, гюнах-сууаб?

Хар соруугъа Къуранда барды джууаб.

Билмейек дерге да джокъду амал,

Аллахдан бизни ючюн джиберилгенди Къуран.

Ийманы болгъанны джолу ачыкъды,  кёлю токъду. 

Аллах бнрди,  файгьамбар хакьды, ишек джокъду. 

Ийнанабыз, таянабыз,  ышанабыз Аллахха.

Башха джолла элтедиле палахха.

АРИУЛУКЪГЪА МАХТАУ

Бир айгъа джаннетге тюшдюм.

Тенгизде джууундум, къумлада бишдим.

Ариу къызлагьа джойдум ачхамы,

Хур къызладан да баш кёрдюм аланы.

Дуния сейирлиги, дуния зауугъу да - ала,

Тенгизден чыгьыб, Кюннге къызгьан  къызла,

Сизден ариу не барды дунияда?!

Сиз джашагьан, сиз болгъан дунияда 

Сюймекликден,  къууанчдан,  насыбдан башха 

Бир затха орун болмазгьа керек эди...

2 3

Ай  медет,  башха тюрлюдю джашау.

Алай болса да, ариулукъгъа - махтау!

САТЛЫКЪЛАНЫ КЪАРА БАГЪАНАГЪА

Башлары гитче башыма джетмеген 

Бу мазаллы  шылаплагъа къара.

Кир затла.  Быланы 

Бетлери,  иннетлери да къара.

Отуз кюмюшге сатыб кетерикле 

Аллахларын,  халкъларын да была.

Сойлары - башха,  ойлары  - башха,

Къулладыла,  къахмеледиле была.

Байлыкъ ючюн болгъандыла къахме,

Къуллукъ ючюн болгъандыла къул.

Джашаулары, ашаулары да - тонгузча,

Бу джийиргеншлиледен, Я Аллах,  къутхар бизни.

Халкъны тарихсиз, тамырсыз къояргъа юорешген, 

Бир халкъны экиге,  ючге,  къауумлагъа юлешген, 

Душман айтханны джазгъан «алимле»,

Халкъларына кёр  къазгъан «алимле»,

Джалгьан «алимле», къахме «алимле».

Къара айдынла, къарангы джарыкъла.

Кёзюн алдырыб, орнуна ачха салдыргьан 

Ой сатлыкъ къауум.

Сиз тюб болмай, Халкъгъа джокъду джашау.

Сизни тюб этмей,  Халкъ баш бол алмаз.

Башына бош болалмаз.

...Сатлыкъланы  - къара багъанагъа.

Аланы халкъ  кёрсюн, билсин,

Бетлерине тюкюрсюн.

2 4

КЪУТУЛМАЗ к ю н

Кетгенледен хал ар джокъ ду.

Кёзден кетген, кёлден да кетеди.

Ал лай Кюндю ол.

КЁЛТЮРЕМЕ ГОППАННЫ

Джер къызланы бири ючюн 

Мен кёкледен эннгенме.

Мен къычыргьан азан тюлдю, 

Сюймеклнкди, нлгенме.

Азанчыем, энди уа,

Сюймекликчи болгьанма.

Сеннге уча, учуна,

Шайыр болуб къалгъанма.

Кёрюнесе сен меннге 

Мёлекленн бнрича.

Айта турама назму 

Айгьа улугъан бёрюча.

Джер къызланы бири ючюн,

Адам болгьан бёрю ючюн, 

Сюймекликни нюрю ючюн 

Кёлтюреме гоппанны.

ШОРБАТ ЧЫПЧЫКЪ

Джазгьа джаны сау чыкъгъанды, 

Джюуюлдейди шорбат чыпчыкъ. 

Къыш сууукьда чыныкъгьанды,

Ай аперим, шорбат чыпчыкъ.

Ай аперим, шорбат чыпчыкъ,

Бой бермединг сууукъ джелге.

2 5

Къыяма къышха Джуртну  къоюб,

Сен къачмадынг джылы джерге.

Къышха кесинги хорлатмадынг,

Насыб юсюнгден  кетмесин 

Ай марджа, сакъ бол кесинге,

Джазгьыда аджал джетмесин.

Къартджыгъа, кишдик да Сеннге - джау,

Туталсала - аямазла.

«Къуш кёллю бурху джан,»- деб,

Санга менича къарамазла

Сен а, керти да, джигитсе,

Къышха къуш  кибик чыдадынг.

Гитчени уллулугъун кёрюб,

Санга, алгъыш эте,  къарадым.

ИЙМАНСЫЗ КЪАУУМ

Ахырзаман адамчыкъланы  кёреди кёзюм.

Эслетирге, айтыргъа юорешеме тюзюн. 

«Шашмагъыз!»- чапракъдан ётмейди сёзюм. 

Тюшюнмейле. Титирейди ёзюм.

Не уллуду Аллахда тёзюм...

Джаратхан джанлары  бойсунмайла Анга. 

Тынгламайла, ийнанмайла Анга.

Ол иеди мёлеклерин, келечилерин, китабларын - 

Кюрешеди Хакъ джолуна салыргъа инсанланы,

Хар бир палахдан сакъларгъа,  къутхарыргъа аланы.

Ала уа унамайла тынгыларгъа, ангыларгьа.

Ийман бла, Къуран бла джашаргъа, ДЖАШАРГЪА! 

Хаулеге,  кёзбаугъа нелле къарамны 

Джюрекге бошлайла гюнахны, харамны.

Сора джазыкъсыныргъа керекмиди адамны?!

2 6

Ламысха тюл, нафысларына бойсуналла ала, 

^амазлыкъдан эсе, тёшекни сайлайла ала, 

дкьылларын учуз затлагьа байлайла ала.

Мал,  гяхиникгеча, алданалла дуниялыкъгъа, 

Дженгелле джаныуарлыкъгъа,  хайуанлыкъгьа,

Къанат болалла терсликге,  зорлукьгьа.

Эсирик,  ётюрюк джорукъла бла джашайла,

Балчыкъда зауукъланнган тонгузлагьа ушайла.

Дуния, ахырат да быланыкъы тюлдю - 

Быланы тенгеклери, джюреклери да кирди.

Былада ийман къой, адет-намыс да джокъ ду, 

Сыйсызлагъа джангыз бнр сыйлы зат джокъду.

Дуния намысдан не ахрат азабдан къоркъмайла  была, 

Хайыуанлача, джангыз таякъдан къоркъалла была.

Иймансыз къауум!

«Ахрат джокъду,

Дуния уа бизникид»,- деб турасыз сиз.

Ай джазыкъла!

Дуния да сизники тюлдю,

Сизники не болгъанын  кёб турмай билликсиз.

2000-чн ДЖЫЛ.  ЭРЕСЕЙДЕ.

Джокъду ышаргъан,  юолген 

Кёбдю ауругъан, ёлген,

Къыйналгъан эм инджилген.

Бютюн зор болду къадар.

Бий болду гуду,  мурдар.

Къалмады байлыкъ,  иннет.

Факъыра болду миллет.

Уллу кърал чачылды, 

Чек дегенинг ачылды.

2 7

Къара  кюч  болду  къайыр.

Джорукъдан да джокъ хайыр

Къалмады  намыс-уят.

Маллада кибик хаят.

Долларды - сура, аят.

Аллах, адам деген - аз.

Айырылмай  къыз не джаш 

Нафысха уралла баш.

Адетлерин аталла,

Намысларын саталла - 

Бары  къул эм къарауаш.

Ачха, байлыкъ - кёзбауду,

Барысы да - сынауду.

Тынм-къыйын болса да джол,

Адамлай къал, Адам бол.

Кёз-къулакъ бол ахлунга,

Тукьумунга, халкъынга.

Файгъамбарлагъа уша,

Аллах айтханча джаша

Кюн аманнга алданма,

Иймансызгъа ийнанма.

Гюнахладан тазалан.

Керти Кюннге хазырлан.

АЛЛАХ КЪОРУСУН, САКЪЛАСЫН

Бу мийнк юйню баш къатында 

Къая рандача джашайма.

Кийикни сюре, раннга бекленнген 

Джарлы Бийнёгерге ушайма.

Ауругъан Халкъыма бир дарман излей,

Бек узакълагъа кетгенме.

2 8

«Ауругьан н ы  

юсюнде cay  ёлед», 

jvleH да ёлюрге джетгенме.

Кийик тас болду, джашлыкъ да кетди,

Кёзбау дунияла къуруйла.

Кёкге 

къараучу бёрюкёз сёзлерим 

Энди джерге къараб улуйла.

Бу мен ёрлеб, илиниб чыкъгьан,

Айт,  къаямыды, таумуду?

Гитче къайгьыланы да хорлаялмагъан 

Уллу Къарачай саумуду?!

Мен джарсымайма, юоймейме 

Къуру къалдым деб, кийикден.

Мени титиретген халкъ джарсыууду,

Ачыкъ кёрюнюб, мийикден.

Халкъымы-Джуртуму болгьаныча кёрдюм - 

Кёрдюм турусун, ташасын.

Тамбласын да кёрдюм - титиредим.

Аллах къорусун, джашатсын.

ФАЙГЪАМБАР КИБИК КЮРЕШ

Ай алерим, Лайпанланы Билалгьа - 

Табынмады  партнягъа, къралгьа.

Аллаху акбар!

Къалгьанла - ууакъ-тюек.

«Кюреш,- дейдн,- иймандан толгьан джюрек 

Адам ючюн,  Миллет ючюн, Джурт ючюн, 

Къуранында Аллах айтхан Джол ючюн.

Хар бир инсан ол Джолда барыр ючюн, 

Дуниясын, ахратын да къутхарыр ючюн.

Джашауунгу аямай адамлагьа юлеш.

Адам ючюн Файгъамбарла кибик кюреш».

2 9

ДЖАША, КЪУУАН!

Табигьатха,

Сюймекликге 

Болма заран.

Джазгъа къара,

Къызгъа къара - 

Джаша,  къууан

Кесинге да,

Башхагьа да 

Салма заран.

Юретелле 

Тюз джашаргьа 

Инджил, Къуран.

Кесинге да,

Башхагьа да 

Келтир  къууанч.

Джерге,  Кёкге,

Тёгерекге,

Игиликге 

Кенг джай къулач.

Насыб олду.

Джашау олду.

Аллах. Адам.

Джазгъа къара.

Къызгъа къара.

Джаша,  къууан!

САЙЛАУ КЕСИБИЗДЕДИ

Адамла ёлелле, кетелле 

Дуния джашаудан тоюб тюл, арыб. 

Берилген болджалларын да къысха этелле, 

Бир-бири джюрегин джарыб.

3 0

Адамла 

бир-бирин ёлтюрелле, 

j(eз бла, сёз бла, сауут бла да.

Адам 

адамны ёлтюреди,

Таша да, туру да.

Мурдарлыкъны ангылагьан къыйынды.

Хайуанлыкъ бла, джаныуарлыкъ бла,  къарангылыкъ бла 

Къазауат этгенлей турдула файгьамбарла.

Аллахны Сёзюн адам улугъа джайдыла ала.

Ахыр файгьамбар Мухаммад алейхи-с-салам 

Аллахны Къуранын джетдирди бизге.

Аллах бизге къурагьан Анаясады Ол -

Къалай джашаргьа кереклибизни билдирген Китаб.

Аллах джаратды Аламны, Адамны да.

Бергенден сора да ангы-акъыл-эс,

Тюз джолну кёргюзтдю ийиб Къуранын да,

Джылла бла, ёмюрле бла берди бизге дере.

Энди терсейсек кесибизбиз терс.

Кесибиздеди айыб да,  гюнах да.

Кесибиэдеди къайгьы да,  палах да.

Насыбха-къууанчха ачыкъды джол.

Сайлау кесибиздеди.

ДЖАЗ БЛА САЛАМЛАШАМА

1

Джаланбут-элиякёз-чыбыкъбел,

Сау кел.

2

Джашилчепкен-гокгаякь-акъбел,

Сау кел.

3  1

Джанкъылычкямар-юонтюйме-

джырлауукъ-джылауукъ,

Cay  кел.

ЭЛДЕ ЭМ ДА ШАХАРДА

(сынджырдан  ычхыннган итни назмусу)

1

Бу байталлагьа къара,

Артлары  кьайнаб...

Тесукъа этелле аджирле,

Къулакъларын джумуб,

Ауузлукъларын чайнаб.

Джюгенлерин юзерге кюрешелле,

Аякълары бла къазалла джерни.

Кёк джашнагьанча, кишнейле.

Уллуду кючю табигъатны.

2

Артлары кьайнаб, бу къатынлагъа къара, 

Байталла кибик. Ай толгъан кибик.

Бошагъанла бишиб.

Кёз къысханлай,

Тёшекге къаллыкъла тюшюб

3

Аджирни кишнеую

Шийир болуб тюшеди къагъытха

Элде байталла,  шахарда къатынла...

Шын тургъаиды  шайыр джюрек,  кишнеб.

КЪАЙДАДЫ ИМАМ?

Ол джылдан сора,

Ол къара гюрге кюндеи сора,

Бу мазаллы-гитче Джерни  къалайында болсам да, 

Джылау-сарнау-сыйыт-къычырыкь,

3 2

3

дйырылмай,

ызымдан сюрюб айланады мени...

Сабий джылагьан титиретеди кёклени.

ОЙ ол 

бош къалгьан арбазла,

худжу къалгьан  рысхы 

джуртундан сюрюлюб баргьан халкъны ызындан 

Малла ёкюре, итле улуй тохтаусуз...

Къачхы шылпы халкъны джылауун эте,

Боз булутла да кёкню бетин джабыб,

Мадарсыздан ары-бери джюзе, сюзюле, титиле.  .

Хасаука 

урушну эсге тюшюрген сюргюн. ..

Ноябрны - къасым айны - экиси...

Джаула бла -

Чингизи, Темири бла да, -

Бетден бетге сермеше юреннген Халкъны,

Джашыртын къабхан  итча,

Къабады Орус кърал.

Ненчанчы кере?!

Къарачай эркишиле •

18 джылдан 60 джылгъа дернчиле бары,- 

Бу кърал ючюн

Фашистле бла къазауатда къан тёге, ёле,

Бу кърал а, аланы  юйдегнлернн - 

Къартланы, сабийлени, тиширыуланы - 

Гутмакъ этиб, джуртларындан сюре...

Бу кърал бизге кърал мы ды сора?!

Быллай итлик, артыкълыкъ 

Унутуламыды сора?!

1828-чи джылдан сора,

1943-чю джылдан сора,

Къасым (ноябр) айны экисинден сора,

Ол къара гюрге кюнден сора,

33

Сабий  къычырыкъ  къулагьыма келгенлей, 

Тиширыу сыйыт къулагьыма келгенлей,

Бу ит кърал

энтда кёб итлик этерин билгенлей, 

Къан дерт джюрегими тюйгенлей, кюйдюргенлей, 

Джашайма.

Хазыр болайыкъ  Джайгъа,  къышха да.

Мамыр кюннге, урушха да.

Юренейик джазгъы  кюннге алданмазгъа. 

Къуллукь этейнк бир Аллахха, Кавказгъа.

Аллах дегенни Къуранды  китабы.

Эркинлик дегенни да Къуранды китабы.

Тюзлюк дегенни да Къуранды китабы.

Дуния дегенни да китабы Къуранды.

Ахрат дегенни да китабы Къуранды.

Бизни хорланмазлыгъыбыз анданды.

Адамларыбызда, халкъыбызда толу болса ийман, 

Бизни хорлар юоч джокъду.  Ийнан.

Джангыз,

Имам керекди.

Бармыды  имам?

Къайдады имам?

ДЖАШАУ НЕЧИК АЛАМАТ, СЕЙИРЛИК

Таныдынг акъны,  къараны - 

Нюр джарыкъ чачылдымы сеннге?!

Джети къат кёк ачылдымы сеннге? - 

Окъудунг Тауратны, Къуранны.

Уллу къайгъыдан  къутулсанг да,

Ууакь къайгъыла ашайла.

Ала джюрегингден бошайла,

Пелиуан адам болсанг да.

3 4

[Съарайса  Кёкге,  умутлу:

Ол да кёбюне - булутлу. 

дй медет Аллах!

Адамла таурухха терилелле.

Насыб, зауукь, ёлюмсюзлюк деб,

Джаннет джашаугьа термилелле.

Джер а, берилгенди адамгьа,

Аны джаннет эт да джаша деб.

Китаб да джибернлгенди анга,

Мында айтылгъаныча джаша деб.

Джокъду тынчлыкъ адамгьа - 

Кюрешде  ётед джашауу 

Дуния джаннет болургъа ушамайд -  

адам Адам  болургъа унамайд.

Кетеди заман. Тюрленмейди джукъ.

Джангыз ахырзаман джууукьдан джууукъ. 

Хей!

Зауаллы бизлеге къайда ёмюрлюк?

Джашау а - нечик аламат, сейирлик.

КЕЧЕ КЮН ТИЙГЕН КИБИК

Мен Сени алай кёрдюм,

Кече Юон тийген кибик.

Ким кимни сюйген болур,

Мен Сени сюйген кибик?!

Тебрене тургъан Джер да,

Сени ючюн къалыр тохтаб 

Менича къууаныр Сеннге 

Кёк да, кююореб, джашнаб.

Къайгъы, палах, ёлюм да 

Этелле бизге зарлыкъ.

3  5

Сени ариулугьунгду 

Бу дунияны  къутхарлыкъ.

Сени нюр джарыгъынгда 

Къара кючлеге орун джокъ,

Къара ишлеге орун джокъ,

Къара иннетге да орун джокъ.

Мен Сени алай  кёрдюм - 

Кече Кюн тийген кибик.

Ким кимни сюйген болур,

Мен Сени сюйген кибик?!

КБСИБИЗ БОЛАЙЫКЪ ДЖАРЫКЪ

Кечемиди кетген,  юонмюдю?

Билмейме мен.

Къарангыды. Джарыкъны 

Кёрмейме мен.

Алай а, къарангыгъа 

Бермейик бой.

Кесибиз болайыкъ джарыкъ,

Этейик той.

Кечемиди келлик, юонмюдю?

Билмейме мен.

Кесибиз болайыкъ джарыкъ.

Башха мадар кёрмейме мен.

НЕ КЪЫСХАДЫ 

ЁМЮРЮ АДАМНЫ

Эрийди бузлаб тургъан джер,

Кьышхы джукъусундан уяна. 

Сюйюмчюге чабханча, урады джел, 

Джанкъозчукъ да чыгьад, уяла.

3 6

Табигьатха киреди джан - 

Ол

 тирилед,

тилленед,

учунад.

Джылыу, джарыюь келеди Кёкден,

Кёкге силкинед табигьат.

Ёллкж джанланы бирлери мен да,

Къыш ёлгенлеге этеме дуа.

Кесим да ёлюб тирилгенча бола,

Джазгьа чыкъгьанлагьа береме салам.

Джашаудан багъалы  не болур  дунияда, 

Андан толу юлюш алырча насыб да болса. 

Джазгьы хауа бизлени да кючлейди...

Ай медет, не къысхады ёмюрю адамны!

НЕКЯХ КЕЧЕ

Чыммакъ къарда 

Къып-къызыл  муртхула.

ТАБИГЬАТ БЛА АДАМ

Кёк да, джер да, суу да,

Кёкдеги, джердеги, суудагьы да, 

Сюркелген, сюелген, джюрюген да,

Учхан, джюзген да,

Джаны болгьан, болмагьан да - 

Бары да даучудула адамгъа.

Адам табигъатдан табды 

Ашауун, джашауун да.

Табигьат а не табды андан, 

Кирден-азабдан-ёлюмден  башха?

Табигьат тазалайды  кесин адамдан:

Андан кёб хылымылы этген,

3  7

Андан бек къыйынлыкъ салгьан 

Болмагъанды  анга.

САЛАДЫЛА ОТ

Тюлюо къуйругьу бла,

Къахме кёзлери бла,

Сиясетчи сёзлери бла 

Саладыла от.

БУ ДУНИЯДА БАШЛАНАДЫ ДЖОЛ

Айтады  Къуран:

Ёллюкдю адам.

Алай а келликди заман - 

Тирилликди адам.

Берликди джууаб 

Дунияда этгени ючюн да,

Этмегени ючюн да.

Иннети ючюн да.

Неси ючюн да.

Кеси ючюн да,

Ахлусу, миллетн  ючюн да.

Джаратханны сыйладымы  - 

Хакъ джолну сайладымы?

Аллахны бирлигине,

Мухаммад гъалейхи-с-салам  да,

Аны къулу эмда келечиси болгъанына 

Хакъ кёлю бла ийнаныб:

«Ашхаду ан ла илаха иллаллах 

уа ашхаду анна Мухаммадан 

гъабдуху уа Расулуху», - деб, айтдымы? 

Намаз этдими,

Ораза тутдуму,

Зекят бердимн,

Хадж къылдымы?

3

 

8

Барын да толусу бла,

Кереклисича, тыйыншлысыча,

Буюрулгьаныча этдими?

Айтады Къуран:

Джууаблыды адам 

Иннети ючюн да,

Сёзю-иши  ючюн да.

Къутулур мадар джокъду.

Ёлюб да къутулмазса - 

Ёлюм джокъду.

Алда сакълайды 

Не джаннет,  не джаханим.

Аланы Джерде сайлайды хар  кнм.

Алагьа бу дунияда башланады джол.

Эй адам улу,

Ийманлы бол -  

Насыблы бол!

1-чи НАЗМУ

Сангырауча,

Джарыкъ ургъан джанына  къарайма,

Не 

кёрюрге излейме анда?!

Мннг-минг джылны  мындан  алдача,

Адам улу кетиб барад тубанда

Сокъурча,

Къарангыгъа ты нгы лайма,

Не эшитирге умут этеме анда?!

Мннг-минг джылны мындан  алдача,

Турна джыйын учуб барад тубанда.

Кёзю да сокъур, къулагъы да сангырау  болгьан, 

Кюрешеди джыйларгъа эм сезерге.

3 9

Алагьа  къарайма  да  юренеме 

Тюрлю-тюрлю палахлагьа тёзерге.

Джокъду аны не кьолу не аягъы,

Алай а,  кюрешеди джашаргъа.

Дуния аны къууандырса,  къалса да, 

Ашыкъмайды ол да ахратха, махшаргъа.

Сакъатла джюрегими этедиле сакъат.

Къайда иочюм сау этерге аланы?!

Джерге, Кёкге къарайма амалсыздан:

Джууаб барды, джууаб джокъду.  Кимди терс?

Учады акъ къанатлы  къарангы,

Учады акъ къанатлы джарыкъ.

Кимди сакъат? Кимди сау? Соруу-сууал: 

жүктеу/скачать 10,08 Mb.

Достарыңызбен бөлісу: