Беделов камбар амангельдиевич
Болашақ информатика мұғалімдерін бұлттық технологияларды
жүктеу/скачать 2,51 Mb. Pdf көрінісі
|
10 05 2023 dis
| 1.3 Болашақ информатика мұғалімдерін бұлттық технологияларды
пайдалануға даярлаудың моделі Білім беруде және бұлттық оқытуда бұлттық технологияларды пайдалану теориясы мен практикасы бойынша, бірінші бөлімде ұсынылған, теориялық негіздерді талдау білім беруде бұлттық технологияларды пайдалану мақсаты АКТ-құзыреттердің жиынтығын қалыптастыру болатын оқу үдерісін ұйымдастыру тұжырымдамасын білдіреді деген қорытынды жасауға мүмкіндік береді, оларға қол жеткізу құралдары оқу мазмұнын модульдік құру, ал негізгі білім беру нәтижесі бұлттық технологиялар мен бұлттық сервистерді кәсіби қызметте пайдалануға қабілетті болашақ информатика мұғалімінің ақпараттық- коммуникациялық құзыреттілігі болып табылады. Алдыңғы бөлімдерде АКТ-құзыреттіліктің айтарлықтай күрделі құрылымы бар екендігі атап көрсетілген. Әдетте, құзырет осы қызмет түрін игеруге әкелетін іскерліктердің жиынтығымен сипатталады. Болашақ информатика мұғалімінің бұлттық технологиялар саласындағы құзыреттілігін қалыптастыру моделін модельдеу құзыреттілік тәсілін ескере отырып, компьютерді және ақпараттық технологияларды игерудің біріктірілген тәсілін ескереді. Бұлттық технологиялар саласындағы болашақ информатика мұғалімінің құзыреттілігін қалыптастыруды модельдеу бұлттық технологияларды зерттеу объектісі ретінде де, оқыту құралы ретінде де, құзыреттілік тәсілді қарастыруға мүмкіндік беретін аралас тәсілді ескере отырып, жүзеге асырылған. Болашақ информатика мұғалімдерін бұлттық технологияларға даярлау моделін құру кезінде келесі модельдер қарастырылды: қосымша білім беру жүйесіндегі педагогтың ақпараттық құзыреттілігін қалыптастыру моделі (А.А. Темербекова [112]), АТ маманының кәсіптік құзыреттілігін қалыптастыру моделі (Т.А. Матвеева [113]), болашақ статистика маманының АТ құзыреттілігін қалыптастыру моделі (К.С. Абдиев [114]), бұлттық технологияларды қолдану жағдайында болашақ информатика мұғалімдерін оқытудың әдістемелік жүйесінің моделі (В.Г. Шевченко [44]) және т.б. К.С. Абдиев [114] пен В.Г. Шевченко [44] ұсынған модельдердің құрылымдары біздің зерттеуіміз үшін ең қолайлы модель болып табылады. Құзіреттілік ыңғайына сәйкес авторлар қарастырған модельдердің ішінен мотивациялық-нысаналы компонетті, мазмұнды, процессуалды және диагностикалық компоненттерді бөліп алынды. Болашақ информатика мұғалімдерін бұлттық технологияларды пайдалануға дайындау моделінің негізінде «бұлттағы» инфрақұрылымды басқару модельдерін ескеру қажет, өйткені дәл осы басқару модельдері бұлттық технологияларды оқытудың белгілі бір тәсілін пайдалануға әсер етеді [115]. Модельді құру кезінде ұсынылған модельдің тұтастығы мен құрылымдылығын көрсететін, бұлттық технологияларды дамыту саласындағы сапалы өзгерістердің басымдылығын көрсететін жүйелік тәсіл де ескерілді. Бұлттық технологиялар саласындағы құзыреттілігінің қалыптасуын 44 бақылаудың мақсаты, мазмұнын іріктеу, критерийлері мен қалыптасу көрсеткіштері, принциптері, әдістері, формалары, құралдары мен технологиялары бір-біріне өзара тәуелді. Бүгінгі таңда бұлттық технологиялар саласындағы құзыреттілігін қолданыстағы әлеуметтік-экономикалық жағдай және ақпараттық технологияларды, соның ішінде бұлттық технологияларды дамыту талап етеді. Бұлттық технологияларды болашақ информатика мұғалімдерін даярлауды қалыптастырудың біз ұсынатын моделі үш негізгі блокты қамтиды: мазмұндық, процессуалды және диагностикалық блок , төмендегі 3-суретте көрсетілген Болашақ информатика мұғалімдерінің әдістемелік даярлау жүйесі моделінің бұлттық технологияларды нысан және оқыту құралы ретінде пайдалануға негізделген вариативтік бөлігі болашақ информатика мұғалімінің бұлттық технологиялары саласындағы құзыреттілігінің мазмұнын, әдістерін, нысандарын, кезеңдерін, критерийлерін және қалыптасу деңгейлерін қамтиды. − Мазмұндық блок болашақ информатика мұғалімінің бұлттық технология құзыреттілігін қалыптастырудың мақсаттары мен міндеттеріне негізделген, осы үдерістің статитиканың мотивациялық саласын қалыптастыруға, қалыптастыру технологиясын таңдауға, бұлттық технологиялар саласындағы құзыреттер тізімін көрсетеді. − Процессуалды блогы бұлттық технология құзыреттілігін қалыптастыру принциптерін анықтайды, болашақ информатика мұғалімінің бұлттық технологиялар саласындағы құзыреттілігін тиімді қалыптастыру үшін қажетті педагогикалық жағдайларды сипаттайды, атап айтқанда бұлттық ортаны қалыптастыру, осы құзыреттерді қалыптастыруға және бұлттық ортада жұмыс істеуге мүмкіндік беретін әдістер, формалар мен технологиялар. − Диагностикалық блок болашақ информатика мұғалімінің құзыреттілігін қалыптастыру үдерісінің нәтижелерін анықтауға, бұлттық технологиялар саласындағы деңгейлер мен критерийлерді анықтауға мүмкіндік береді. Бұл блоктардың өзара байланысы болашақ информатика мұғалімінің құзыреттілігін ұсынуға және қалыптастыруға мүмкіндік береді. Әр блокты бөлек қарастырамыз. I блок – мазмұндық мыналарды қамтиды: − білікті мұғалімге қойылатын талаптарды анықтау (оның ішінде жұмыс беруші тарапынан), деңгейлер бойынша кәсіби қызмет құзыретті орындау үшін қажетті білімге, іскерлікке және дағдыларға қойылатын талаптарды айқындау (жалпы кәсіби, кәсіби, арнайы); − кәсіби даярлық мазмұнын іріктеу және құрылымдау; − құзыреттілік тәсіл негізінде оқу үдерісін ұйымдастыру; − бұлттық технологияларға жататын құзыреттерді қалыптастыруға ықпал ететін құзыретінің құрылымы мен құрамын анықтау; − оқу жоспарларын, бағдарламаларын құрастыру; − бұлттық технологиялар саласында құзыреттілігін қалыптастыру технологияларын анықтау; 45 әзірлеу Сурет 3 – Болашақ информатика мұғалімдерін бұлттық технологияларды пайдалануға даярлаудың моделі жүктеу/скачать 2,51 Mb. Достарыңызбен бөлісу:
|