Тайпалық одақ – тайпалардың әлеуметтік және
этникалық бірлестігі.
Тас ататын құрылғы – тас ататын құрылғы, қа-
ланың қамалдарын бұзуға арналған.
Тактика (грек.
taktiks – әскерді сапқа тұрғызу
өнері;
tasso – сапқа тұрғызамын, қатарластыра-
мын) – әскери істе ұрысқа дайындалу және оны
жүргізу теориясы мен практикасын қамтитын әске-
ри өнердің құрамдас бөлігі.
Тәті – төбесі мен шүйде тұсы ашық, кішігірім тәж
тәрізді әшекейлі бас киім.
Тебіндеу –
малдың қар астынан шөпті тұяғымен
аршып алуы. Көшпелілер тебіндеп жайылатын мал-
дың түрлерін көптеп өсірген.
Тобыр – тас дәуірінде алғашқы адамдардың тір-
шілік үшін күресте бірлескен тобы.
Тотемизм – рулық қоғамдағы адамдар тобының
шығу тегін жануарлармен байланыстыру негізінде
қалыптасқан сенімдер.
Терімшілік – алғашқы адамдар жеуге жарамды
шөп тамырларын қазып, құс жұмыртқасын жинап,
ағаш, бұта басында өсіп тұрған әртүрлі жеміс-жи-
дектерді теріп жеген шаруашылық түрі.
Тесе – егін егу үшін жерді қопсытуға қолда-
нылған еңбек құралы. Алғашқы теселер иілген
ағаштан, тастан немесе мүйізден жасалған.
Тұрақ – алғашқы адамдардың тұрақтаған, тір-
шілік еткен ежелгі орындары.
Тұрпат – адамдардың тұқым қуалайтын кескін,
келбет, пішіні.
Түменбасы – ғұндарда, кейін басқа да көшпелі
түркі және моңғол халықтарында 10 мың сарбазды
басқаратын қолбасшының әскери атағы.
Ұжым – ортақ қоғамдық мақсаттар мен міндет-
тер біріктірген адамдар тобы. Мұндай топқа жоға-
ры деңгейде дамыған бірлескен қызмет барысында
қол жеткізіледі.
Халық жиналысы – мемлекеттік маңызы бар
мәселелерді шешу үшін өткізіліп отырған жиналыс.
