Тутаева айгерим айтбаевна
жүктеу/скачать 5,17 Mb. Pdf көрінісі
|
Тутаева Диссертация
| ТҰЖЫРЫМ
1. Туа пайда болған даму ақаулары бар шала туылған балалардың негізгі тобын 2001-2500 г (51,9%) болатын және гестациялық мерзімі 33-36 апталық – (59,6%) нәрестелер құрады, олардың ішінде жүрек қантамыр жүйесінің даму ақаулары басым болды (35,6%). Сирек жағдайда асқазан – ішек жолдарының (24%), қосарланған және көптеген даму ақаулары (16,3%) және орталық нерв жүйесінің даму ақаулары (12,5%) кездесті. Жатырішілік даму кезінде орын алған қолайсыз жағдайларға: ұрықта гипоксияның дамуына алып келетін жүктілік патологиялары (78,8%), аналарда кездесетін әр түрлі соматикалық аурулар (90,4%), инфекциялық аурулар (85,6%), урогенитальды инфекциялар (64,4%), интранатальды патологиялар (65,4%) жатқызылды. 2. Аурухана жағдайында туа пайда болған даму ақаулары бар шала туылған балаларды емдеу барысында аурудың жағдайына әсер ететіндері: клиникалық көріністерінің ерекшеліктері, аурудың өту барысы, негізгі патологиялық үрдіс, церебральді зақымданулардың (33,7%) қосарланып көрінуі және зақымданған ағзалар мен жүйелердің саны (60% үш және одан да көп ақаулар). 3. Туа пайда болған даму ақаулары бар шала туылған балаларды емдеу нәтижесі мен болжамы, даму ақауының сипатына, нәрестелер жағдайының ауырлығына (өкпеге жасанды желдендіру – 63,5%, гемодинамикалық бұзылыстар – 30,8%), жүктілік ағымын сипаттайтын клиникалық көрсеткіштерге (80,8%) және орталық нерв жүйесінің терең тежелуіне (56,7%) байланысты болады. 4. Туа пайда болған даму ақаулары бар шала туылған балаларда жиі кездесетін арнайы соматикалық және неврологиялық патологиялар (сепсис – 15,4%, некротикалық энтероколит – 16,3%, бронхөкпелік дисплазия – 11,5%, қарыншаішілік қанқұйылу – 21,2% және перивентрикулярлы лейкомаляцияның кистозды түрі – 12,5%) емдеудің қолайсыз нәтижесіне алып келеді. 5. Нәрестелерде анықталатын табанның 2-5 саусақтарының бүгілуімен жауап беретін шартсыз рефлексті зерттеу тәсілі басқа әдістермен салыстырғанда артықшылықтарға ие. Бұл рефлекс – патологияларға жоғары сезімтал және дені сау нәрестелерге тән, бір айға дейінгі шала туылған балаларда спинальді шокты анықтайтын сенімді индикатор болып табылады. жүктеу/скачать 5,17 Mb. Достарыңызбен бөлісу:
|