102-бап. Ата-аналарының қамқорлығынсыз қалған балаларды орналастыру 1. Ата-аналарының қамқорлығынсыз қалған балалар асырап
алынып,
отбасына
тəрбиеленуге,
қорғаншылыққа
(қамқоршылыққа) немесе патронат шарты бойынша, ал мұндай
мүмкіндік болмаған кезде, жетім балаларға немесе ата-
аналарының қамқорлығынсыз қалған балаларға арналған барлық
үлгідегі (тəрбие, емдеу жəне басқа да) мекемелерге берілуге тиіс.
Баланың мүддесіне сай оны орналастыру кезінде оның
этникалық шығу тегі, белгілі бір дінге жəне мəдениетке
жататындығы, ана тілі, тəрбие мен білім берудегі сабақтастықты
қамтамасыз ету мүмкіндігі ескерілуі мүмкін.
2. Ата-аналарының қамқорлығынсыз қалған балаларды, осы
баптың 1-тармағында аталған отбасына немесе мекемеге
тəрбиелеуге орналастырылғанға дейін балаларға қорғаншылық
(қамқоршылық) міндеттерін атқару қорғаншы жəне қамқоршы
органдарға уақытша жүктеледі.
