4. Қандай сөзді кіріккен сөз дейміз? Кіріккен сөздердің осы заңсыздығы бұларды кірікпеген жай сөз тіркестерінен
айырып алуды қиындатады. Біздің қазіргі емлемізде осы уақытқа дейін шешіліп
болмаған мәселенің бірі де осы кіріккен сөздердің емлесі. Сөз тіркестерінің
қандайын кірігіп, бір сөз болып кеткен деп есептеп, қосып жазу керек те, қандайын
кірікпеген сөздер деп, айырып жазу керек? – міне, осы мәселеге үзілді-кесілді
жауап бере алмай келе жатырмыз. Үйткені, емле деген көпшілікке арналған нәрсе.
Ереже қылып, қолына ұстататын заңның сол көпшілікке ұғымды болуы керек. Ал,
кіріккен сөздерді, ондай, көпшілікке ұғымды заңға сыйдыру қиын. Үйткені,
бұлардың өзінде орныққан, бір қалыпқа түскен заң жоқ.
Әйткенмен, мұғалімдерге кіріккен сөздерді қалай тану керектігі жөнінде
бірқатар сілтеу беруге болады.
