Баяндауыштың бастауышпен қиысуы. Қиысу–синтаксистік байланыстың жиі
ұшырайтын бір түірі. Ол сабақтаса байланысқан сөздердің бағыныңқысының басыңқы
сөздерге икемделе, олардың грамматикалық мағыналарына үйлесіп тұратын сөздер
арасынд болады. Қиысуға тұлғалық үйлесімі бар сөздер тіркесінің бағыныңқы бөлегі
басыңқы бөлегіне бейімделіп үйлесуі ғана енеді . Қиысу əр тілде əр түрлі екені белгілі.
Мысалы: орыс тілінде бастауыш пен баяндауыш род, жақ, сан жағынан, анықтауыш
анықтайтын сөзімен род, сан жағынан, септіктер арқылы қиысады да, бастауыш пен
баяндауыш тек сан жағынан қиысады екен. Түркі тілдерде, оның бірі қазақ тілінде,
қиысу, негізінде, біріне–бірі бағынышты тіркесті бастауыш пен баяндауыш арасында
болады. Қазақ тілінде сөздер бір-бірімен орыс тіліндегідей, септік жалғауларында
қиыспайды, тек оңашаланған айқындауыштар ғана айқындайтын сөздері қандай септік
жалғауда тұрса, сол жалғауда тұрып қиысуы мүмкін. Баяндауыштың бастауышпен
қиысуы жақтық не көптік болады.
