Сипаттау - сөйлеу тілінің функциональды-мағыналық қызмет
атқаратын ерекше түрі. Ол заттардың, құбылыстардың құрамын, бөліктерін,
түрлерін олардың әр түрлі белгілеріне нұсқау арқылы сипатталатын нысанның
(обектінің) бүтін көрінісін береді. Әдетте, сипаттаудың сипатталатын нысан
түрі мен оның сипатталу ерекшелігіне қарай бірнеше түрі бар: ғылыми
сипаттау, іскерлік сипаттау және әдеби-көркемдік сипаттау.
Ғылыми сипаттау – сипатталатын заттың, құбылыстың ең мңызды, негізгі
белгілерінің логикалық жүйелі, обьективті, фактіге сәйкес ұғымдарының
жиынтығы болып табылады. Ғылыми сипаттаудың негізгі мақсаты - зат пен
құбылыс туралы нақты, ақиқат түсінік беру.
Нақты ғылым саласына қатысты жазылған таза ғылыми сипаттауда
немесе жеке ғылыми сипаттауда эмоциональдық, образдылық, көркемдік
бейнелеу құралдары қолданылмайды. Ал ғылыми – көпшілік мәтіндерде
көркемдік бейнелеу құралдары қолданылады, бірақ ол көркем әдебиетте
қолданғандай көп сөзді емес, нақты болуы тиіс.
Ғылыми сипаттауға және әдеби-көркем сипаттауға көркем
