13-жаттығу. Өлең үзіндісінде кездесетін сөз варианттарын табыңыздар.
Көптің бәрі осындай, мисал етсең,
Көп айтты деп алданып, уағда күтсең.
Ғапіл боп нәрседен бос қаласың,
Аудамай көп сөзімен жүріп кетсең.
5- тақырып. Сөздердің мағыналары мен қолданылу тәсілдері Жоспары: 1 Сөздердің лексикалық мағыналарының түрлері.
2 Сөз мағыналарының өзгеру себептері мен ауыспалы мағынада
қолданылу тәсілдері.
3 Синонимдер.
4 Омонимдер.
5 Антонимдер.
6 Табу және эфемизмдер.
7 Терминология. Термин сөздер.
Мазмұны: Сөз өзімізді қоршаған кең дүиедегі зат пен құбылыстың атауы
болғандықтан, оларға тән телінді дербес өзіндік мағынасы болады. Бұл мағына
зат пен құбылысты тікелей байланыстырғанымен, сол ұғымды білдіретін
баршаға танымал ортақ белгі (таңба) ретінде жұмсалады. Сондықтан да сөз
қандай күрделі болса, оның мағынасы да сондай күрделі деп есептеледі.
Осыдан келіп сөзге анықтама берудің қиындығы келіп туады.
