1.2. Жүнді және химиялық талшықтарды иіру өндірісі. Жүн саласы, текстиль өнеркәсәбінің маңызды салаларының бірі
болып табылады. Сала кәсіпорындарында таза жүннен және химиялық
талшықпен қоспасынан иірімжіп, мата және басқа да бұйымдар өндіріледі.
Бұл сала әртүрлі техникалық және арнайы маталар, киіз және фетр
бұйымдарын, беймата материалдарын шығарады.
Жүн саласының алдында, техникалық прогрессті дамыту есебінен
жоғары сапалы жүн маталарын шығару тапсырмалары тұр. Ол үшін
аппаратты созбаны және тарақты таспаны дайындауға арналған
автоматтандырылған ағынды сызықты, жоғары өнімділікті кардты тарау
және тарақты тарау машиналарын, созбаны автоматты реттегіші бар таспа
машиналарын, жаңа созба машиналарын, пневомеханикалық және өзіндік
ширататын иіру машиналарын, қосарлы ширатымдағы ширату
машиналарын, орау автоматтарын және еңбек шарттарын жақсартатын,
өнімділікті жоғарылататын басқа да құрал-жабдықтарды енгізу болып
табылады.
Жгутты химиялық талшықтарды қолдану және ЛРШ-70-кесіп-
штапельдеу машинасында оларды қайта өңдеу, құрамында (лавсан,
нитрон және т.б.) синтетикалық талшықтары бар жартылай жүнді
иірімжіптерді дайындау кезінде табиғи жүнді тиімді пайдалануға
26
мүмкіндік береді. Химиялық талшықтарды пайдалану жүн маталарының
ассортиментін және шикізат базасын кеңейтеді.
