ҚазаҚстан мұсылмандары діни басҚармасы АллАғА мАдАқ (таңдаулы діни өлеңдер) алматы, 2010

109
Таңдаулы діни өлеңдер
«Әл-Халиқ» – Жаратушы Ол бар ғаламды,
Бар дүние, көк пен күн, сары далаңды.
Ешбір үлгі мысалсыз өрнектеген
Адамды, ұшқан құсты, орман, аңды.
«Әл-Бариғу» – жаратты Ол жоқтан – барды,
Жат қыл жалған жадыңа жаттанды әнді.
Дүние өздігінен жаралды – мыс,
Деген бір диуана айтқан тоқтамдарды.
Ойланыңыз, не болған бізден бұрын,
Мың сан жұлдыз, аспанда жүзген күнің,
Өздігінен бір нәрсе жарала ма,
Жалғана ма орнына үзген гүлің.
«Әл-Мусаууир» – ерек қып түсіңді елден
Бейнелеуші Ол сымбатты мүсін берген.
Он сегіз мың ғаламға ғажайыптан
Қайталанбас ерекше пішін берген.
Келбетіңді, санаңды, сезіміңді,
Артық қылды басқадан сөз, үніңді.
Сен де ұста жоғарырақ иманыңды,
Ноқта қылып нәпсіңе төзіміңді.
Неге осы біз әуеспіз әр елеске, 
Шеберлік тек Аллаға тән емес пе.
Ал адамзат Алланың қалауымен
Бір тамшыдан ұйыған қан емес пе?!
Тыным таппай бал жиған араңыз да,
Күміс суың айналса  қара мұзға,
Жыл мезгілі жылжыған дәлдікпенен,
Мұнан артық үйлесім табамыз ба?!

110
Аллаға мадақ
Хош иісті гүл берген тамсандырып,
Жұдырықтай бұлбұлға ән салдырып,
Жұмыртқадан пайда боп балапандар,
Балдырғаның танытса сан-сан қылық.
Керек қылсақ әр түйір қар, құмыңда
Белгісі бар Алланың барлығында.
Тәубеге кеп үлгермей өтіп кетіп,
Өкінбейік қабірдің тарлығында.
Құлшылық қып Аллаға таңғы отырыс,
Қызық қуып соқтырған санды опық іс,
Өлшенеді бәрі де, оның соңы
Мәңгі бақыт немесе мәңгі өкініш.
Иман келтір кеш болмас күн бүгінгі,
Мүмкін ертең ашпауың түндігіңді.
Өлім тұр күтіп саған көрсетуге,
Шүбәланып жүрген сен шындығыңды.
Мойында Алла жалғыз екендігін,
Ораза, намазға бол бекем күнім.
Қажылық қыл, зекет бер дәулет жетсе,
Қараңғыда өтпесін бекер күнің.
... Уа Аллаһ, барлық мадақ өзіңе тән!
Кешірім берші күнә, сөзіме сан.
Қараңғыда жол таппай адасыппыз,
Көрсете гөр құлыңның көзіне таң! 

111

жүктеу/скачать 2,13 Mb.

Достарыңызбен бөлісу: