3. Ұғымдық құрылым мен оның тілдік қатынасын зерттеу; Бұл жұмыстар да жасанды интеллект шеңберінде
(олардың өкілдері фрейм және сценарий сияқты негізгі
категориялардың авторлары – М.Минский, Р.Шенк, Р.Абельсон)
қалыптасып, одан кейін Ч. Филлмор еңбектерінде
лингвистикалық зерттеулердің қажетіне қарай жалғастырылған.
Бұл жағдайда когнитивтік лингвистика зерттеуі әлеуметтанумен
және мәдениеттанумен іргелес жүргізеді.
4. Когнитивті – семантикалық суперкатегорияларды зерттеу; Бұл мәселе әсіресе реттелген иерархиялық форма
түзуші жүйе – категорияларды анықтауды мақсат еткен Л.
Талми еңбектерінен көрінеді. Категориялар арқылы табиғи тіл
шындық болмыстың (когнитивтік жағдай категориясы,
конфигурациялық құрылым категориясы олардың әрқайсысы
күрделі құрылым болып табылады) концептуалдық құрылымын
қалыптастырады. Бұл мәселелер Дж.Лакофф және Р.Лэнекер
еңбектерінде басқаша қарастырылады.
