Оқулық Ә.Ә. Шортанбаев, С. В. Кожанова. Алматы, 2008. 2
жүктеу/скачать 9,99 Mb. Pdf көрінісі
|
immunologia Shortanbaev (2)
| ИНТЕРЛЕЙКИН–3
(адамның хромосомаларының 5 жұбы, гранулоцитарлық-макрофагалдық колониястимулдайтын факторды негiздейтiн текке өте жақын орналасқан). Бұл цитокин 1981 ж. Т – жасушаларды пiсiп жеткiзу факторы ретiнде бейнеленген. Кейiнiрек ИЛ-3 гемопоэздiң бастапқы сатыларын қоздыратын фактор екендiгi дәлелдендi. ИЛ-3 – молекулярлық салмағы 21000-36000 Д көлемiнде күштi гликозданған белок. Молекуланың құрамында белсендiлiк көрсетуге маңызды бiр дисульфидтi байланыс бар. ИЛ-3-тiң өндiрушi жасушалары болып арнаулы антигендермен белсендiрiлген Тх1 мен Тх2 және бiрқатар басқа жасушалар (В- лимфоциттер; цитофилдiк антиденелермен қарама-қайшы байланыспен белсендiрiлген мес жасушалары; миелоидтық жасушалар; сүйек кемiгiнiң стромалық жасушалары; ми астроциттерi; кератиноциттер) келедi. 132 ИЛ-3-тiң нысана – жасушалары болып, көбiнесе, жас, соның iшiнде, көпқабiлеттi қантүзу бастапқы жасушалары келеді. ИЛ-3 бағаналы жасушалары мен жетiлмеген CD-бастауштардың көбеюiн қолдайды, сүйек кемiгiнде макрофагтардың, тимуста Т- лимфоциттердiң жетiлуiн реттейдi. ИЛ-3 шырышты қабаттардың мес жасушаларының өсу факторы болып келедi, ИЛ-4-тiң дәнекер тiнiнiң мес жасушаларына көрсететiн өсiру белсендiлiгiн күшейтедi, олардың гистаминдi өндiруiн көбейтедi, басқаша айтқанда, ИЛ-3 аллергиялық реакциялар дамуына қатысы бар. ИЛ-3 эозинофилдердi белсендiрiп NK- жасушаларының дамуын тежейдi. ИЛ-3 апоптозды тежеу арқылы жасушалардың сақталып қалуын жоғарлатады. Сонымен, ИЛ-3 – гемопоэздiң бастапқы сатыларына әсер ететiн, оны жедел реттейтiн белсендiрiлген Т-лимфоциттердiң өнiмi. Сонымен қатар, ИЛ-3 мес жасушаларының дамуына қатысады және NK- жасушаларының қалыптасуын тежейдi. жүктеу/скачать 9,99 Mb. Достарыңызбен бөлісу:
|