Программалау оқулық Алматы, 012 Қазақстан Республикасы Білім жəне ғылым министрлігінің «Оқулық»
жүктеу/скачать 3,66 Mb. Pdf көрінісі
|
аибм сплюс
- Бұл бет үшін навигация:
- II БӨЛІМ Объектіге бағытталған программалау
| 19-нұсқа
Темір жол бекетіндегі автоматтандырылған ақпараттық жүйеде алысқа жүретін пойыздардың жүру ережесі сақталған. Əр пойыз үшін төмендегі мəліметтер көрсетіледі: □ пойыз нөмірі; □ баратын станциясы; □ жүру уақыты. Ақпараттық жүйедегі мəліметтер сызықтық тізім түрінде ұйымдастырылған. Келесі іс-əрекеттердің орындалуын қамтамасыз ететін программа құрыңыз: □ ақпараттық жүйеге мəліметтерді бастапқы енгізуді жəне сызықтық тізімді құруды қамтамасыз етеді; □ тізімді толығымен шығаруды орындайды; □ пойыз нөмірін енгізіп, ол туралы барлық ақпаратты шығарады; □ баратын станциясының атын енгізіп, сол станцияға дейін жүретін барлық пойыздар туралы мəліметтерді экранға шығарады. Программа меню көмегімен сұхбаттасуды жəне енгізу кезінде кеткен қателерді тексеруді қамтамасыз етуі тиіс. 20-нұсқа Темір жол бекетіндегі автоматтандырылған ақпараттық жүйеде алысқа жүретін пойыздардың жүру ережесі сақталған. Əр пойыз үшін төмендегі мəліметтер көрсетіледі: □ пойыз нөмірі; □ баратын станциясы; □ жүру уақыты. Ақпараттық жүйеде мəліметтер екілік бұтақ түрінде ұйымдастырылған. Келесі іс-əрекеттердің орындалуын қамтамасыз ететін программа құрыңыз: □ ақпараттық жүйеге бастапқы мəліметтерді енгізуді жəне екілік бұтақ құруды қамтамасыз етеді; □ бұтақты толығымен экранға шығаруды орындайды; □ пойыз нөмірін енгізіп, ол туралы барлық ақпаратты шығарады; □ баратын станциясының атын енгізіп, сол станцияға дейін жүретін барлық пойыздар туралы мəліметтерді экранға шығарады. Программа меню көмегімен сұхбаттасуды жəне енгізу кезінде кеткен қателерді тексеруді қамтамасыз етуі тиіс. 187 II БӨЛІМ Объектіге бағытталған программалау Кез келген программа ең соңғы үлгісінде процессорға арналған нұсқаулар жиынтығы болып табылады. Кез келген программалау тіліндегі жазылған ко- мандалар – осы нұсқаулар жиынтығының əрі ыңғайлы, əрі қарапайым жазба- сы, ол программаны жазуды, түзетіп жөндеуді жəне уақыт өте келе өзгерістер енгізуді жеңілдетеді. Программалау тілінің деңгейі неғұрлым жоғары болған сайын, іс-əрекеттердің жазылу формасы соғұрлым қарапайым болып келеді. Мысалы, ассемблер тілінде циклді жүзеге асыру үшін регистрлер- ге айнымалылардың орналасуын қамтамасыз еткеннен кейін ғана нұсқаулар тізбегін жазуға болады, ал С немесе Паскаль тілдерінде бұл үшін бір-ақ опе- раторды жазу жеткілікті. Программа көлемінің ұлғаюына байланысты компьютер жадында барлық мəліметтерді тиянақты түрде сақтау мүмкін болмайды да, мəліметтерді құрылымдау керек болады, яғни негізгі мəліметтерді белгілеп алып, қалған маңызды еместерін ескермеу қажеттігі туындайды. Бұл процесс программаның абстракциялық деңгейін арттыру деп аталады. Абстракцияны арттырудың алғашқы қадамы функцияларды қолдану бо- лып табылады, мұнда функцияны жазып, түзетіп жөндегеннен кейін оның жүзеге асырылу ерекшеліктерін ескерудің қажеті жоқ, өйткені функцияны шақыру үшін тек оның интерфейсін білу жеткілікті. Егер ауқымды айныма- лылар қолданылмаса, интерфейс толығымен функцияның тақырыбы арқылы анықталады. Келесі қадам – ақпаратты құрылымдау жəне топтау арқылы оны табиғи түрге барынша жақын етіп бейнелеуді қамтамасыз ететін өзіндік мəліметтер типтерін сипаттау болып саналады. Мысалы, бір ғана құрылымның көмегімен қоймадағы тауардың бір түріне қатысты əртекті ақпаратты толығынан сипаттауға болады. Өзіндік мəліметтер типтерімен жұмыс істеу үшін арнайы функциялар қажет. Оларды осы мəліметтер типтерінің сипаттамаларымен бірге программаның бір жеріне топтастырып, мүмкіндігінше программаның басқа бөліктерінен же- келеген жөн. Осындай типтер мен функцияларды қолдану үшін олардың қалай жазылғанын толық білудің қажеті жоқ, тек қана солардың интерфейстерінің сипаттамаларын білу жеткілікті. Олармен жұмыс істеуге арналған мəліметтер типтері мен функциялардың сипаттамаларын модульдерге біріктіре отырып, 188 модуль қолданушысынан онша маңызды емес ұсақ-түйектерді жасыру про- грамманы құрылымдаудың одан ары дамуы болып табылады. Жоғарыда айтылған абстракцияны арттырудың үш тəсілінің де мақсаты программа құрылымын жеңілдету, яғни оны көлемдері үлкен болғанмен, жал- жүктеу/скачать 3,66 Mb. Достарыңызбен бөлісу:
|