Л. Н. Гумилев атындағы Еуразия
тақырып. Қазақстан Республикасының қылмыстық құқық негіздері
жүктеу/скачать 1,88 Mb. Pdf көрінісі
|
Дәрістер
| 10 тақырып. Қазақстан Республикасының қылмыстық құқық негіздері.
Дәрістің мақсаты: құқық саласының негізгі түрлерінің бірі ретінде қылмыстың түсінігін мен белгілерін, қылмыс үшін қылмыстық жауаптылықтың негізі мен шектерін, сондай-ақ қылмыстық жауаптылықтан және жазадан босатудың шарттарын айқындайтын құқықтың нормаларды түсіндіру. Жоспар: 1.Қылмыстың ұғымы, оның белгілері мен категориялары. 2.Қылмыстық жауапкершілік. 3.Қылмысқа қатысу туралы түсінік және оның белгілері. 4.Қылмыс жасау сатылары. Кілтті сөздер: жазалау, қылмыс, жауапкершілік, субъект, шеткі қажеттілік, кінә Қылмыстың ұғымы, оның белгілері мен категориялары. Қылмыстық құқық дегеніміз – құқық саласының негізгі түрлерінің бірі ретінде қылмыстың түсінігі мен белгілерін, қылмыс үшін қылмыстық жауаптылықтың негізі мен шектерін, сондай-ақ қылмыстық жауаптылықтан және жазадан босатудың шарттарын айқындайтын құқықтың нормалардың жиынтығы. Жалпы қылмыстық құқықтың негізгі міндеттері - әлеуметтік құндылықтарды қорғау және қылмыстардың алдын алу (қылмыстарды болдырмау; қылмыстардың профилактикасы) болып табылады. Қылмыс – бұл құқық бұзушылықтың бір түрі. Қылмыс басқа құқық бұзушылықтардан, оның қылмыстық заңмен белгіленетіндігімен және оны жасағанда қылмыстық жауапкершіліктің болуымен ерекшеленеді. «Қылмыс» ұғымы Қазақстан Республикасының Қылмыстық кодексінің 9 – бабында берілген: «Осы кодексте жазалау қатерімен тыйым салынған қоғамдық қауіпті әрекет – қылмыс деп танылады». Қылмыстың төмендегідей белгілері: 1. Қылмыс әрқашан іс – қимыл болып табылады, яғни, ол әрекетпен де, әрекетсіздікпен де жасалуы мүмкін. Әрекет – бұл қылмыс жасаудың белсенді нысаны. Әрекетсіздікте кінәлі адам өзі жасай алатын әрекетті және жасалуы тиіс әрекетті жасамайды. Адамның ойлау қызметі жазаланбайды, өйткені ол қоғамға қауіпті теріс қылық жасауға алып келмейді. |