Сабақтың мазмұны мен шарты, білімі мен біліктілігі: басты салудың көркемдік формасын
анықтай отырып, көлемді композиция заңдылықтарын меңгеру.
Тарихи теориялық мағлұматтар: Сурет салу барысында негізгі принцип болып табылатын жалқыдан жалпыға, жеңілден
күрделіге қарай кезең-кезеңімен орындалып отыру керек. Қаншалықты салынатын модельдің
үлкендігіне қарамай кез-келген нобайды кағаз бетіне орналастыруды ойластырып отыру қажет.
Жылдам салынатын нобайларда заттың көрінбейтін бөліктерін елестете отырып көмекші
сызықтармен негізгі пропорциялық заңдылығын ұстап отыру өте маңызды. Пропорциялық
заңдылығы сақталмаған суреттерде конструкциялық құрылымы автоматты түрде бұзылады.
Натураның пропорциялық дұрыстылығын бұзуға болмайды, оларды біртіндеп және
құрылымдық заңдылығымен байланыстырып отыру қажет.
Заттың кішкене қосалқы бөлшектерін конструкциялық құрылымының көмегімен және
салынатын форманың ыңғайына қарай біртіндеп салу керек. Мұндағы жарық көлеңке жеке
бөлінбей суреттің жалпы көрінісімен бір уақытта жүргізіліп отырады.
Студенттердің сабаққа дайындығына арналған ұсыныстар: Студенттер практикалық
сабақтарға барынша дайындалып келуі тиіс. Дайындыққа лекциялық конспектілерден,
оқулықтар мен оқу құралдарынан практикалық
сабақтарды оқып үйрену жатады. Практикалық сабақта студенттер басты кескіндеудің
композициялық формаларын қарастырады. Практикалық сабақ барысында студент мынаны
орындауы тиіс:
-сурет салу барысында композиция заңдылықтарын ескеру;
-композициялық эскиздерді жүйелі түрде орындау;
-берілген тақырып бойынша композициялық жобаларды А3 форматында
орындау;
-эскиздерді бірнеше этаптарда жасау;
-композициялық эскизді графикалық және түстік шешімде орындау.
Техникалық және инструменттік құралдар: карандаштың бірнеше түрі, акварль немесе
гуашь, геометриялық фигуралардың көріністері.
