Тафаккур китоби
жүктеу/скачать 390,11 Kb. Pdf көрінісі
|
Imom G\'azzoliy. Ihyou ulumid-din. Tafakkur kitobi (1)
| www.ziyouz.com кутубхонаси
10 фойдалироқ нарса йўқ. Дарҳақиқат, Қуръон ҳамма мақомат ва ҳолларни ўзида жамловчи бўлиб, унда амал қилувчилар учун шифо бор. Шунингдек, Қуръонда хавф ва ражо, сабр ва шукр, муҳаббат ва шавқ каби ҳолларни келтириб чиқарадиган ўзига хос бир нарса бор. Шунингдек, унда бошқа ёмон иллатлар оқибати нақадар ёмонлигидан огоҳлантирадиган бир нарса борки, банда Қуръон ўқиши ва оятларни такрор-такрор қайтариши лозим. У бир умр ундаги оятларни ўқиб, тафаккур қилишга муҳтождир. Агар юз марта бўлса-да! Бир оятни англаб, тушуниб ўқиш фикр юритмай хатм қилишдан яхшироқ. Агар бир кеча тонг отгунча бўлса ҳам бир оят устида ўйланиб, тўхтаб турсин, чунки оятнинг ҳар бир калимаси замирида дақиқ фикр билангина англаш мумкин бўлган битмас-туганмас сирли маънолар мавжуд. Расулуллоҳ алайҳиссалом ҳадисларини мутолаа қилиш ҳам худди шундай. Ул зотни «жавомиъул калим», деб аташган. Бу озгина сўзда кўп маъно бериш маҳоратидир. Ул зотнинг ҳар бир сўзлари ҳикмат денгизидир. Агар олим киши чуқур мулоҳаза юритиб қараса ҳам, ундан бир умр назарини узолмайди. Мавзудан чалғиб, оят ва ҳадислар шарҳига ўтадиган бўлсак, бу анча чўзилиб кетади ва мақсад бу эмас. Набий алайҳиссаломнинг сўзларига қаранг: «Руҳ ул-қудс (Жаброил алайҳиссалом) менга шундай деди»: «Кимни яхши кўрсанг ҳам, ундан ажраласан. Қанча яшасанг ҳам, албатта бир куни ўласан. Қанча амал қилсанг ҳам, албатта ажрини оласан». Албатта бу сўзлар аввалгилар ва кейингилар ҳикматини ўзида жамлаган чуқур маънодаги сўзлардир. Биздан далил сўраганларга шунинг ўзи ҳам кифоя қилади. Негаки, бу сўзлар маъносидан тўлиғича воқиф бўлганлар ҳеч қачон ундан кўнгил узолмайдилар. Ана шу нарса улар билан дунёга берилганлар ўртасини ажратиб қўяди... Мубтадий (бошловчи) бундай фикрларга вақтини тўлиғича бағишлаши лозим. Токи у бу билан гўзал ахлоқ ва улуғ мақоматлар орқали қалбини тузатиб, ботиний ва зоҳирий иллатлардан покламагунча фикр эгаси бундай фикр ва тушунчаларга қаттиқ аҳамият бериши лозим. Шунга қарамасдан, у бундай фикр йўлининг бошқа ибодатлардан қанчалик афзал эканини англасин. Аммо бу фикр йўли унга охирги мақсад эмас. Балки у билан машғул бўлиб қолиш сиддиқлар йўлидан тўсувчидир. Сиддиқлар йўли бу ўзини фоний, яъни унутадиган даражада Аллоҳ таолонинг улуғлиги, ҳоли, гўзаллиги ва сифатлари тўғрисида фикр қилишдан ҳузурланишдир. У бутун диққат- эътиборини севгилисини учратган пайтда эс-ҳушини йўқотган ошиқ каби маҳбубига қаратади. Албатта у ўзининг аҳволи ва сифатларига қарашга вақт топмайди. Балки у бутунлай ўзини унутиб, ҳайратдан лол қотади. Буни ошиқлар лаззатининг энг охирги даражаси дейилган. Аммо биз айтиб ўтган фикр йўлига келсак, у қурб ва висолни ислоҳ қилиш учун ботинни тузатиш тўғрисида фикр юритишдан иборат. Агар банда бутун умрини нафсини ислоҳ қилишга бағишласа, у ҳолда қачон у қурб ҳолатига эришади? Шунинг учун саҳрода айланиб юрган Хаввос деган зотга бир куни Ҳусайн ибн Мансур дуч келиб: «Нима қилиб юрибсан?», деди. Хаввос: «Саҳрода айланиб таваккулда ҳолимни ислоҳ қиламан», дейди. Мансур: «Ботинингни тузатишга умрингни сарф этсанг, тавҳидда фоний бўлиш-чи?», деди. Воҳидул ҳақда фоний бўлиш толибларнинг бирдан-бир мақсади ва сиддиқлар неъматининг охиридир. Аммо муҳликот сифатлардан покланишга келсак, бу ҳол худди никоҳдаги аёлнинг иддадан чиқишига ўхшайди. Аммо мунжиёт сифатлар ва бошқа солиҳ амаллар билан сифатланиш у аёлнинг эрига яхши кўриниш учун ясан-тусан қилиши, юзини тозалаши ва сочини тарашига ўхшайди. У аёл бутун умр бачадонини поклаш ва юзини чиройли қилиш билан машғул бўлса- да, бу нарса уни маҳбубига учрашдан тўсиб туради. Сен аҳли мажолис бўлсанг, дин йўлини шундай тушунишинг лозим. Агар сен фақат калтакдан қўрққан ёки тамаъ илинжида амал қиладиган ярамас қул каби бўлсанг, зоҳирий амаллар билан баданни қийнашдан ўзингни ва баданингни эҳтиёт қил. Батаҳқиқ сен билан |