Менделеев өзінің пікірін құрамында көміртегі мөлшері көп шойынды күкірт қышқылымен әрекеттестіргенде сутегі және қанықпаған көмірсутектердің түзілетіндігіне сілтеме жасап түсіндіреді.Бастапқыда Менделеевтің бұл идеясын геолотар қолдай қоймады, олар зертханада жүргізілген тәжірибелер, табиғатта жүретін процестерден көп ерекшеленеді деп есептейді.
1927 жылы В.И.Вернадский «Мұнайдың бейорганикалық генезис теориясын жақтаушы ғалымдар әлі күнге дейін өз пікірлерін айтуда, дегенмен мұнайдың ірі жинақталған орнына және мұнайлы аймақтарға бұл көзқарастың үйлеспейтіндігі анық болып келеді» деп жазған. Мұнайдың және мұнай тәрізді өнімдердің хроматограммаларын салыстырған кезде спектрлердің бір-біріне мүлдем ұқсамайтындығын көруге болады.
