Операцион фаолият – хўжалик юритувчи субъектнинг даромад келтирувчи асосий фаолияти, шунингдек субъектнинг инвестиция ва молиявий фаолиятига оид бўлмаган ўзга хўжалик фаолияти.
Инвестиция фаолияти – пул эквивалентларига киритилмаган узоқ муддатли активлар ва бошқа инвестиция объектларини сотиб олиш ва сотиш.
Молиявий фаолият – хўжалик юритувчи субъектнинг фаолияти бўлиб, унинг натижасида ўз маблағи ва қарз маблағлари миқдори ва таркибида ўзгаришлар юз беради.
Таҳлил мақсади:
молиявий ҳисобот маълумотлари асосида пул оқимини объектлари, фаолият турларии, шакли ва даври бўйича ўрганиш орқали хўжалик юритувчи субъектнинг пул маблағларини ички ва ташқи омилларга боғлиқ ҳолдаги ўзгаришларини ретроспектив ва перспектив таҳлилини амалга ошириш орқали уларни мақсадли бошқаришни йўлга қўйишдан иборат.
Таҳлил вазифалари:
пул оқими тўғрисидаги ҳисоботни таснифлаш, пул оқимини таркиб қаторлари бўйича ўрганиш;
пул оқимини жорий таҳлилини ва истиқболдаги прогнозларини ташхислаш;
пул оқимининг соф кирими ва чиқимига баҳо бериш орқали бизнес самарадорлигига баҳо бериш;
пул оқимининг молиявий ҳолат ва барқарорликка таъсир даражасини, улар нақдлигининг ликвидлик ва тўловга қобилликка таъсирини баҳолаш;
операцион ва молиявий ричаглар орқали пул оқимини молиявий коэффициентларда баҳолаш;
пул оқимини тактик бошқаришнинг аниқ чора-тадбирларини белгилаб бериш ва уларни амалга ошириш.
