Аллаһ бұл сезімталдықтарды жүрегімізден кем
етпесін!
О, Раббым! Бізге иманды сүйдір және жү-
регімізді иман сүйіспеншілігімен безендір! Бізге
күпірді, пасық пен бас көтеруді жаман көруді және
олардан лайықты түрде қорғанып, басқаларды да
сақтандыруды нәсіп ет! Бізді жақсылыққа кілт,
жамандыққа құлып еткен салих құлдарыңның
қатарына қос!
Әмин...
СҮЙІСПЕНШІЛІК пен ЖИІРКЕНІШТЕГІ ШЫНАЙЫЛЫҚ
Фәнилікті ұмытпау
Өлім періштесімен міндетті түрде
жолығатын сәтіміз қандай жағдайда іске
асады? Онымен сәжде күйінде ме, жоқ,
қате әрекетіміз кезінде жолығамыз ба?
Тілімізден төгілген ең соңғы сөйлем қандай
болар екен? – деп, көбірек ойланумыз керек.
Жүнәйд Бағдади Хазірет былай дейді:
«Дүниенің бір күні ахіреттің мың
жылынан абзал. Өйткені дүниенің бір
күнінде иләһи ризалықты табу мүмкіндігі
бар. Ахіретте дүниедегідей сияқты салих
амалдар істеп, жетістікке жету мүмкіндігі
жоқ. Ол жерде тек өмірдің есебі ғана бар».
|
