Республикасы білім жəне ғылым министрлігі ы. Ə. Əміреев, Ж. Ы
жүктеу/скачать 1,16 Mb.
|
Әлеуметтік-экономикалық статистика. Оқулық. Оқулық. Оқулық
9.3- кесте. Табыстардың құралу шоты
Жалдамалы жұмысшылардың еңбегіне ақы төлеу жұмыс бе- рушінің қызметкерлерге есепті кезеңде орындаған жұмысына ақшалай немесе заттай нысанда төлеген барлық сыйақыларының сомасымен анықталады. Қызметкерлердің еңбегіне ақы төлеу есептелген сома негізінде есепке алынады жəне оған əлеуметтік сақтандыруға аударымдар, табысқа салынатын салықтар сомасы жəне төленетін басқа да төлемдер кіреді. Өндіріске салынатын басқа да салықтар өнімге салынатын салықтардан басқа, өндіруші бірліктердің өндіруге немесе өн- діру факторларын пайдалануына байланысты оларға салынатын барлық салықтардан тұрады. Мұндай салықтардың мөлшері өн- дірістің көлемі мен пайдалығына тікелей байланысты болмайды. Өндіріске салынатын басқа да салықтарға: табиғат ресурстарын пайдаланғаны үшін салықтар (экологиялық салық), жер үшін төлем (жер салығы), пəтенттер үшін төлем, мемлекеттік баж жəне алымдар, кəсіпорындар мен ұйымдардан алынатын жылжымай- тын мүлікке салынатын салық жатады. Жалпы пайда деп қосылған құннан қызметкерлер еңбегіне ақы төлеуге жəне өндіріске салынатын салықтарды төлеуге байланысты шығыстарды шегергеннен кейін өндірушілердің қолында қалатын бөлігін айтады. Негізгі капиталды тұтыну – негізгі капитал құнының есепті кезең ішінде оның табиғи тозуы мен моральдық (сапалық) то- зуының жəне кездейсоқ бүлінуінің нəтижесінде азаюын көр- сететін көрсеткіш. Таза пайда деп жалпы пайдадан негізгі капиталдың тұтынуын алып тастағандағы қалған қалдығын айтады. жүктеу/скачать 1,16 Mb. Достарыңызбен бөлісу:
|